ఐపీఎల్లో సోమవారం ఆర్సీబీతో జరిగిన మ్యాచ్లో సన్రైజర్స్ హైదరాబాద్ ఆల్రౌండర్ మిచెల్ మార్ష్ గాయపడ్డాడు. ఈ కారణంగా తన తర్వాతి మ్యాచ్లకు అందుబాటులో ఉండకపోవచ్చని ఆ జట్టు వర్గాలు అంటున్నాయి. అయితే దీనిపై అధికారిక ప్రకటన ఇంకా రాలేదు.
ఓవర్ పూర్తి చేయకుండానే..
కెప్టెన్ డేవిడ్ వార్నర్ ఇచ్చిన ఓవర్ను పూర్తి చేయకుండా కేవలం నాలుగు బంతులు వేసి నిష్క్రమించాడు మార్ష్. ఐదో ఓవర్లో ఆరోన్ ఫించ్ కొట్టిన బంతిని ఆపే క్రమంలో మార్ష్ కాలి కండరం పట్టేసింది. నొప్పి తీవ్రతరం కావడం వల్ల తాను వేసే ఓవర్లో రెండు బంతులు మిగిలి ఉండగానే మైదానాన్ని వీడాడు మార్ష్.
నొప్పిలోనూ బ్యాటింగ్కు
ఆ తర్వాత ఛేదనలో 10వ స్థానంలో మిచెల్ మార్ష్ బ్యాటింగ్కు దిగినా.. క్రీజ్లో అతడు నిలబడటమే కష్టంగా మారింది. చివరికి ఆర్సీబీపై పది పరుగుల తేడాతో సన్రైజర్స్ ఓడిపోయింది. మార్ష్ కాలి నొప్పితో మ్యాచ్ నుంచి వెనుదిరగడం పట్ల సన్రైజర్స్ కెప్టెన్ డేవిడ్ వార్నర్ స్పందించాడు. కాలి కండరం బాధిస్తున్నా.. మార్ష్ బ్యాటింగ్ చేయడానికి వచ్చాడని కొనియాడాడు.
క్రిస్టియన్ లేదా నబీ ఆడే అవకాశం!
ఒకవేళ మిచెల్ మార్ష్ ఆడటం కష్టమైతే సన్రైజర్స్ జట్టుకు ఇది పెద్ద నష్టంగా మారుతుంది. మిచెల్ స్థానంలో అనుభవజ్ఞుడైన క్రిస్టియన్ లేదా ప్రపంచ టీ20 నంబర్వన్ ఆల్రౌండర్ మహ్మద్ నబీని తుది జట్టులోకి తీసుకునే అవకాశం ఉంది.
