ఐపీఎల్ లీగ్ మ్యాచ్లు దాదాపు ముగింపు దశకు వచ్చేశాయి. అయినా ఇంకా ప్లే ఆఫ్ బెర్తులు ఖరారు కాలేదు. కానీ ఆరెంజ్, పర్పుల్ క్యాప్ విషయంలో మాత్రం కాస్త స్పష్టత కనిపిస్తోంది. ఈ టోర్నీలో పంజాబ్ కెప్టెన్ కేఎల్ రాహుల్ ఎక్కువ పరుగులు చేసి ఆరెంజ్ క్యాప్తో కొనసాగుతుండగా, దిల్లీ బౌలర్ రబాడ పర్పుల్ క్యాప్ను తన వద్ద ఉంచుకున్నాడు. వీరిద్దరూ ప్రత్యర్థులపై పూర్తి ఆధిపత్యం చెలాయిస్తున్నారు.
ఆరెంజ్ క్యాప్
పంజబ్ సారథి కేఎల్ రాహుల్.. ఈ సీజన్లో ఆడిన 12 మ్యాచ్ల్లో 595 పరుగులు చేసి, టాప్ గేర్లో దూసుకెళ్తున్నాడు. ఇతడి తర్వాత దిల్లీ ఓపెనర్ ధావన్ 471 పరుగులతో ఉన్నాడు. దిల్లీ జట్టుపై మంగళవారం జరిగిన మ్యాచ్లో 66 పరుగులు చేసిన హైదరాబాద్ సారథి వార్నర్.. ఏకంగా ఆరు స్థానాలు ఎగబాకి 436 పరుగులతో మూడో స్థానంలోకి వచ్చాడు.
పర్పుల్ క్యాప్
దిల్లీ బౌలర్ రబాడ, 12 మ్యాచ్ల్లో 23 వికెట్లు తీసి జాబితాలో టాప్లో ఉన్నాడు. పంజాబ్ బౌలర్ షమి, 20 వికెట్లతో రెండో స్థానంలో కొనసాగుతూ రబాడకు పోటీ ఇస్తున్నాడు. దిల్లీతో మ్యాచ్లో 3 వికెట్లు తీసిన సన్రైజర్స్ బౌలర్ రషీద్ ఖాన్.. 17 వికెట్లతో మూడో స్థానంలో ఉన్నాడు.
