ఇండియన్ ప్రీమియర్ లీగ్ ఫ్లేఆఫ్స్ షెడ్యూల్ను భారత క్రికెట్ నియంత్రణ మండలి(బీసీసీఐ) విడుదల చేసింది. నవంబరు 10న దుబాయ్ వేదికగా ఫైనల్ జరగనుంది.
- క్వాలిఫయర్ 1: పాయింట్ల పట్టికలో తొలి రెండు స్థానాల్లో నిలిచిన జట్ల మధ్య దుబాయ్ వేదికగా జరుగుతుంది.
- ఎలిమినేటర్: పట్టికలో మూడు, నాలుగు స్థానాల్లో నిలిచిన జట్ల మధ్య జరుగుతుంది.
- క్వాలిఫయర్ 2: ఎలిమినేటర్లో గెలిచిన జట్టుకు, క్వాలిఫయర్ 1లో ఓడిన జట్టు మధ్య జరుగుతుంది.
ప్రస్తుత సీజన్లో అత్యధికంగా(ఫైనల్తో కలిపి) 24 మ్యాచ్లకు దుబాయ్.. అబుదాబిలో 20, షార్జాలో 12 మ్యాచ్లు జరిగేలా ప్రణాళిక వేశారు.
దీనితో పాటే ఉమెన్ టీ20 ఛాలెంజ్ను యూఏఈలో నిర్వహించనున్నట్లు బీసీసీఐ తెలిపింది. ఇందులో భాగంగా మహిళా క్రికెటర్లు ఇప్పటికే ఆ దేశానికి చేరుకున్నారు.
నవంబరు 4 నుంచి 9వ తేదీ వరకు సూపర్నోవాస్, వెలాసిటీ, ట్రైల్ బ్లేజర్స్ జట్ల మధ్య ఈ మ్యాచ్లు జరగనున్నాయి. వీటన్నింటినీ షార్జా వేదికగా నిర్వహించనున్నారు.
