మిస్టర్ 360 ఏబీ డివిలియర్స్పై, ఆర్సీబీ కెప్టెన్ కోహ్లీ ప్రశంసలు కురిపించాడు. లీగ్లో అత్యంత ప్రభావవంతమైన ఆటగాడు అతడని అన్నాడు. ఏబీ లాంటి బ్యాట్స్మన్ ఉంటే జట్లు ధీమాగా ఉండొచ్చని తెలిపాడు.
"ఏబీ డివిలియర్స్ ఐపీఎల్లో అత్యంత ప్రభావవంత ఆటగాడు. ఎప్పుడైనా సరే పరిస్థితులను అంచనా వేసి అందుకు తగ్గట్లు ఆడతాడు. కేవలం అతడిలాంటి ఆటగాడు ఉండటం వల్లే జట్లు ఎలాంటి స్థితిలోనూ ఆశలు కోల్పోవు" -కోహ్లీ, ఆర్సీబీ కెప్టెన్
శనివారం జరిగిన ఈ మ్యాచ్లో విధ్వంసక ఇన్నింగ్స్ ఆడిన డివిలియర్స్.. గెలుపు తమదే అనుకున్న రాజస్థాన్కు నిరాశ మిగిల్చాడు. ఏబీ 22 బంతుల్లో 55 పరుగులు (ఆరు సిక్సులు, ఫోర్)చేయడం వల్ల మరో రెండు బంతులు మిగిలుండగానే బెంగళూరు విజయం సాధించింది.
తప్పు తెలుసుకున్నాం: కటిచ్
"అవును అతడో(డివిలియర్స్) అద్భుత బ్యాట్స్మన్. అందుకే దిగ్గజాల్లో ఒకడిగా గుర్తింపు తెచ్చుకున్నాడు. ఏబీ ఈరోజు సరైన స్థానంలో బ్యాటింగ్కు దిగాడు. గత మ్యాచ్లో మేం చేసిన తప్పు తెలుసుకున్నాం. అతడి వల్లే రాజస్థాన్పై విజయం సాధించాం. ఇతర ప్లేయర్ల నుంచి సహకరం అందకపోయినా సరే, డివిలియర్స్ ఒంటిచేత్తో మ్యాచ్ను గెలిపించాడు" అని ఆర్సీబీ కోచ్ సైమన్ కటిచ్ చెప్పాడు.
ఇది చదవండి: డివిలియర్స్ మెరుపు ఇన్నింగ్స్.. బెంగళూరు ఘనవిజయం
