శనివారం ఐపీఎల్లో జరిగిన మ్యాచ్లో తమ జట్టు బౌలింగ్ లైనప్ అద్భుతంగా రాణించిందని అంటున్నాడు కోల్కతా నైట్రైడర్స్ బౌలర్ ప్యాట్ కమిన్స్. అందుకే సన్రైజర్స్ హైదరాబాద్ జట్టుపై విజయం సాధించామని తెలిపాడు.
"టోర్నీలో మొదటి విజయం గొప్ప అనుభూతినిచ్చింది. మ్యాచ్కు ఒకరోజు ముందు అద్భుత ప్రాక్టీసు సెషన్ జరిగింది. కొన్ని రోజులుగా ఉన్న రిథమ్ కలిసొచ్చింది. కోచ్, కెప్టెన్ సూచనలతో నాలోని ధైర్యం మరింత పెరిగింది. వార్నర్, బెయిర్స్టో క్లాస్ ఆటగాళ్లు. ఒకసారి వాళ్లు ఫామ్లోకి వచ్చాక ఔట్ చేయడం చాలా కష్టం. అదృష్టవశాత్తు వారిలో ఒకరిని ఔట్ చేశా. అక్కడి నుంచి బౌలర్లు అద్భుత ప్రదర్శన కనబరిచారు."
- కమిన్స్, కోల్కతా నైట్రైడర్స్ బౌలర్
అబుదాబి వేదికగా కోల్కతా నైట్రైడర్స్తో జరిగిన మ్యాచ్లో సన్రైజర్స్ హైదరాబాద్ ఓడిపోయింది. 143 పరుగుల లక్ష్యాన్ని 18 ఓవర్లలో మూడు వికెట్లు మాత్రమే కోల్పోయి సునాయాసంగా ఛేదించింది కోల్కతా. శుభమన్ గిల్(70 ) అర్థశతకంతో అదరగొట్టి జట్టు విజయంలో కీలక పాత్ర పోషించాడు. అతడికే మ్యాన్ ఆఫ్ ది మ్యాచ్ అవార్డు దక్కింది.
కోల్కతా బ్యాటింగ్లో ఇయాన్ మోర్గాన్(42) నితిశ్ రానా(26) మెరిశారు. సన్రైజర్స్ బౌలర్లలో నటరాజన్, రషీద్ ఖాన్, ఖలీల్ అహ్మద్ చెరో వికెట్ తీశారు. మిగిలిన వారు తేలిపోయారు. ఈ విజయంతో పాయింట్ల పట్టికలో బోణీ కొట్టింది కోల్కతా. కాగా.. సన్రైజర్స్కు ఇది వరుసగా రెండో ఓటమి.
