గురువారం మ్యాచ్లో కింగ్స్ ఎలెవన్ పంజాబ్పై ముంబయి ఇండియన్స్ గెలిచింది. 48 పరుగుల తేడాతో అద్భుత విజయం సాధించింది. ఈ సీజన్లో ముంబయికి ఇది రెండో గెలుపు, పంజాబ్ జట్టుకు మూడో ఓటమి. రోహిత్ శర్మ అర్థ శతకంతో ఆకట్టుకోగా, పొలార్డ్ ధనాధన్ బ్యాటింగ్తో మ్యాన్ ఆఫ్ ది మ్యాచ్గా నిలిచాడు. ఈ క్రమంలోనే పలు కొత్త రికార్డులు నమోదయ్యాయి.
రైనాతో సమంగా రోహిత్
70 పరుగులు చేసిన రోహిత్.. ఐపీఎల్లో 38వ హఫ్ సెంచరీ నమోదు చేశాడు. తద్వారా రైనా(38)తో సమంగా నిలిచాడు. రోహిత్, మరో ఆరు ఫోర్లు కొడితే 450 ఫోర్లు సాధించిన వాడిగా నిలుస్తాడు.
కోహ్లీ, రైనా తర్వాత రోహిత్ శర్మ
పంజాబ్తో మ్యాచ్లో రెండు పరుగుల వ్యక్తిగత స్కోరు వద్ద రోహిత్ శర్మ(5,068) అరుదైన ఘనత సాధించాడు. ఐపీఎల్లో 5000 పరుగుల క్లబ్లో చేరిన మూడో క్రికెటర్గా రికార్డు సృష్టించాడు. ఇతడి కంటే ముందు కోహ్లీ(5,430), రైనా(5,368) ఉన్నారు.
పంజాబ్పై '600'
ఈ మ్యాచ్తో పంజాబ్పై 600 పరుగులు చేసిన తొమ్మిదో బ్యాట్స్మన్గా రోహిత్ నిలిచాడు. ఇదే జట్టుపై ఆరు అర్థ శతకాలు కూడా సాధించాడు. ప్రస్తుతం 660 పరుగులతో ఉన్నాడు. తర్వాతి స్థానంలో ధోనీ(595) ఉన్నాడు.
ముంబయి కెప్టెన్గా 62వ గెలుపు
రోహిత్ సారథ్యంలో పంజాబ్పై ముంబయికి ఇది తొమ్మిదో విజయం. ఇరుజట్ల మధ్య ఇప్పటివరకు 14 మ్యాచ్లు జరిగాయి. మొత్తంగా ఐపీఎల్లో కెప్టెన్గా 62 సార్లు గెలిపించాడు హిట్మ్యాన్.
హార్దిక్- పొలార్డ్ మెరుపులు
ఈ మ్యాచ్లో ఐదో వికెట్కు 67 పరుగులు జోడించిన హార్దిక్ పాండ్య-పొలార్డ్. 11 బంతుల్లో 30 పరుగులు చేసిన పాండ్య(1,145).. ఇర్ఫాన్ పఠాన్(1,139)ను అధిగమించాడు. 20 బంతుల్లో 47 పరుగులు చేసిన పొలార్డ్(2893).. మెక్కల్లమ్(2880)ను దాటేశాడు.
ఇదీ చదవండి: చిత్తుగా ఓడిన పంజాబ్-టేబుల్ టాపర్గా ముంబయి
