చెన్నై సూపర్‌ కింగ్స్‌ సారథి మహేంద్ర సింగ్ ధోనీ మరో రికార్డుకు చేరువలో ఉన్నాడు. ప్రపంచ క్రికెట్లో ఉత్తమ ఫినిషర్‌గా పేరొందిన ధోనీ ఎవరి బౌలింగ్‌లోనైనా భారీ సిక్సర్లు బాదుతాడు. ఐపీఎల్ 13వ సీజన్‌లో భాగంగా మంగళవారం రాత్రి రాజస్థాన్‌ రాయల్స్‌తో మహీ సారథ్యంలో చెన్నై తలపడుతోంది. రాజస్థాన్‌తో మ్యాచ్‌లో మహీ మరో ఐదు సిక్సర్లు కొడితే.. టీ20 క్రికెట్లో 300 సిక్సర్ల బాదిన బ్యాట్స్‌మెన్‌ జాబితాలో చేరుతాడు.
ఇప్పటికే సీనియర్‌ ఆల్‌రౌండర్‌ సురేశ్‌ రైనా, ముంబయి సారథి రోహిత్‌ శర్మ 300 సిక్సర్ల మైలురాయిని అధిగమించారు. ధోనీ 300 సిక్సర్ల ల్యాండ్‌ మార్క్‌ను అందుకుంటే ఈ ఘనత సాధించిన మూడో భారత ఆటగాడిగా రికార్డు సృష్టిస్తాడు. పొట్టి క్రికెట్లో ఇప్పటి వరకు ధోనీ 295 సిక్సర్లు బాదాడు. కాగా, టీ20 క్రికెట్లో 250 క్యాచ్‌లు అందుకున్న తొలి, ఏకైక కీపర్‌గానూ అరుదైన ఘనత అందుకున్నాడు.
ఐపీఎల్ 13వ ఆరంభమ్యాచ్లో ముంబయి ఇండియన్స్పై విజయం సాధించి.. ఐపీఎల్లో ఒకే జట్టుకు సారథిగా వ్యవహరిస్తూ 100 విజయాలు అందుకున్న తొలి కెప్టెన్‌గా మహీ నిలిచాడు.
