ఆస్ట్రేలియాతో భారత మహిళల జట్టు ఆడాల్సిన తొలి టీ20 వర్షం కారణంగా రద్దయింది. ఈ మ్యాచ్లో టాస్ ఓడి బ్యాటింగ్కు దిగిన భారత్.. 15.2 ఓవర్లలో 4 వికెట్లు కోల్పోయి 134 పరుగులు చేసింది. ఈ సమయంలో వర్షం మ్యాచ్కు అంతరాయం కలిగించగా.. ఆటను తాత్కాలికంగా నిలిపేశారు. ఆ తర్వాత అది ఆగకపోవడం వల్ల మ్యాచ్ను పూర్తిగా రద్దు చేస్తున్నట్లు అంపైర్లు ప్రకటించారు.
భారత బ్యాటర్ జెమీమా రోడ్రిగ్స్(49 నాటౌట్) అత్యధిక స్కోరర్గా నిలిచింది. ఓపెనర్లు షెఫాలీ వర్మ(17), స్మృతి మంధాన(18) ఆరంభంలో ఆకట్టుకున్నారు. ఆస్ట్రేలియా బౌలర్లలో ఆష్లే గార్డ్నర్ 2 వికెట్లు తీయగా.. సోఫీ మోలినెక్స్, జార్జియా వారెహమ్ చెరో వికెట్ పడగొట్టారు. మూడు టీ20ల సిరీస్లో ఇరుజట్ల మధ్య శనివారం రెండో టీ20 జరగనుంది.
ఇదీ చూడండి.. CSK Vs PBKS: పంజాబ్ ధమాకా.. చెన్నైపై అదిరిపోయే గెలుపు
