తేలిపోయిన టీమ్ఇండియా బౌలర్లు - రెండో రోజు సఫారీలదే పైచేయి

India Vs South Africa Test Series : సెంచూరియన్ వేదికగా సౌతాఫ్రికాతో జరుగుతున్న తొలి టెస్టులో టీమ్ఇండియా బౌలర్లు పేలవ ఫామ్​ను కనబరిచారు. దీంతో రెండో రోజు ఆట ముగిసేసరికి సౌతాఫ్రికా 256/5 స్కోరుతో దూసుకెళ్తోంది.

India Vs South Africa Test Series : సౌతాఫ్రికాతో జరుగుతున్న తొలి టెస్టులో రెండో రోజు టీమ్​ఇండియా బౌలర్లు సత్తా చాటలేకపోయారు. దీంతో ప్రత్యర్థులను కట్టడి చేసే విషయంలో విఫలమయ్యారు. దీంతో రెండో రోజు ఆట ముగిసేసరికి 256/5 స్కోరుతో సఫారీలు దూసుకెళ్తున్నారు. అయితే సరైన వెలుతురు లేమి కారణంగా ఆటను 66 ఓవర్ల వద్ద ఆపేశారు.

ఇక సౌతాఫ్రికా ప్లేయర్లలో డీన్ ఎల్గర్‌ (140*) అదరగొట్టాడు. ఇక డేవిడ్ బెడింగ్‌హమ్ (56) కూడా అర్ధ శతకంతో రాణించాడు. తర్వాతి ఆట కోసం ఎల్గర్‌తోపాటు మార్కో జాన్సన్‌ (3*) క్రీజులో ఉన్నాడు. ఇక టోనీ డి జోర్జి (28), మార్‌క్రమ్ (5), కీగన్ పీటర్సన్ (2), వెరినే (4) పరుగులు చేశారు.

• Bad light brings an end to Day 2.
  
  South Africa reach 256/5, with a lead of 11 runs.
  
  Scorecard ▶️ https://t.co/032B8Fn3iC#TeamIndia | #SAvIND pic.twitter.com/XngpVF2kcr

  — BCCI (@BCCI) December 27, 2023 " class="align-text-top noRightClick twitterSection" data="

  Bad light brings an end to Day 2.
  
  South Africa reach 256/5, with a lead of 11 runs.
  
  Scorecard ▶️ https://t.co/032B8Fn3iC#TeamIndia | #SAvIND pic.twitter.com/XngpVF2kcr

  — BCCI (@BCCI) December 27, 2023

  ">

  Bad light brings an end to Day 2.
  
  South Africa reach 256/5, with a lead of 11 runs.
  
  Scorecard ▶️ https://t.co/032B8Fn3iC#TeamIndia | #SAvIND pic.twitter.com/XngpVF2kcr

  — BCCI (@BCCI) December 27, 2023

మరోవైపు భారత బౌలర్లలో మహ్మద్ సిరాజ్‌, జస్‌ప్రీత్ బుమ్రా తలో రెండు వికెట్లు పడగొట్టారు. అయితే ప్రసిద్ధ్‌ కృష్ణ మాత్రం ఒక వికెట్ తీయగలిగాడు. అంతకుముందు 208/8 ఓవర్‌నైట్‌ స్కోరుతో రెండో రోజు ఆటను ప్రారంభించిన టీమ్​ఇండియా నేడు జరిగిన మ్యాచ్​లో మరో 37 పరుగులు జోడించి 245 పరుగులకు ఆలౌటైంది. ఇక 70 పరుగులతో క్రీజులోకి వచ్చిన కేఎల్ రాహుల్‌ (101) శతకం బాది 10వ వికెట్​గా పెవిలియన్​ బాట పట్టాడు.

India Vs South Africa Test Day 1 : డిసెంబర్ 26న మొదలైన మ్యాచ్​లో టాస్ గెలిచి ఓడి బ్యాటింగ్​కు దిగిన టీమ్ఇండియా ప్రత్యర్థి బౌలర్లను సమర్థంగా ఎదుర్కోలేకపోయింది. పూర్తిగా పేస్​కు అనుకూలించిన పిచ్​పై సఫారీ బౌలర్లు రెచ్చిపోయారు. కెప్టెన్ రోహిత్ శర్మ (5) విఫలం కాగా, స్టార్ బ్యాటర్ విరాట్ కోహ్లీ (38) ఆదుకునే ప్రయత్నం చేశాడు. ఇక 107 పరుగులకే 5 వికెట్లు కోల్పోవడం వల్ల భారత్ 200 మార్క్ అందుకోవడం కష్టమే అనిపించింది. ఈ దశలో వికెట్ కీపర్ కేఎల్ రాహుల్ అద్భుతంగా ఆడాడు. క్రీజులో నిలదొక్కుకొని స్కోర్ బోర్డును ముందుకు నడిపించాడు. తొలి రోజు ఆట ముగిసేసరికి టీమ్ఇండియా 208-8తో నిలిచింది.