India vs Pakistan World Cup 2023 : భారత్ పాకిస్థాన్ మధ్య పోరును క్రికెట్ ఆటలోనే హై వోల్టేజ్ మ్యాచ్గా పరిగణిస్తారు. ఈ ఇరు జట్లు రాబోయే ప్రపంచకప్లో పోటీ పడనున్న నేపథ్యంలో.. త్వరలోనే బీసీసీఐ నుంచి అధికారికంగా మ్యాచ్ అప్డేట్ వచ్చే అవకాశం ఉంది. ఈ క్రమంలో అహ్మదాబాద్‌ నరేంద్రమోదీ స్టేడియం వేదికగా అక్టోబర్ 7 ఆదివారం రోజున భారత్ పాక్ మ్యాచ్ నిర్వహించేందుకు బీసీసీఐ ఏర్పాట్లు చేస్తున్నట్లు తెలుస్తోంది. దేశంలో ఎక్కువ సీటింగ్ సామర్థ్యం కలిగి ఉండటం, ప్రపంచంలోనే అతిపెద్ద క్రికెట్ స్టేడియం కావటం వల్ల బోర్డు ఉన్నతాధికారులు నరేంద్రమోదీ స్టేడియాన్ని ఎంచుకున్నట్లు సమాచారం. త్వరలోనే పూర్తి షెడ్యూల్ రానుంది.
India vs Pakistan World Cup 2023 venue : ఈ దాయాదుల మ్యాచ్కు నరేంద్ర మోదీ స్టేడియం ఫైనలైజ్ అయితే అభిమానులకు పండగే. లక్ష మంది ప్రేక్షకులు స్వయంగా స్టేడియంలో మ్యాచ్ వీక్షించవచ్చు.
World Cup 2023 India Venues : ఆహ్మదాబాద్తో పాటు హైదరాబాద్, చెన్నై, దిల్లీ, బెంగళూరు, కోల్కతా, లఖ్నవూ, ఇందౌర్, రాజ్కోట్, ముంబయి, గువాహటి వేదికల్లో ప్రపంచకప్ నిర్వహించనున్నారు. మొత్తం టోర్నీలో 48 మ్యాచ్లు జరగనున్నాయి. భారత్ ఆడే మ్యాచ్లకు కేవలం ఏడు మైదానాలే వేదిక కానున్నాయి.
దాయాది పాకిస్థాన్ ప్రపంచకప్లో తమ మ్యాచ్లను కోల్కతా, బెంగళూరు, చెన్నైలో... బంగ్లాదేశ్ తమ మ్యాచ్లను కోల్కతా, గువాహటి వేదికగానే ఆడనున్నాయి. భద్రత కారణాల దృష్యా పాక్, బంగ్లాదేశ్ మ్యాచ్లను ఈ వేదికలకే పరిమితం చేసినట్లు బీసీసీఐ వర్గాల సమాచారం.
గతంలో భారత్ ఆతిథ్యం...
ఇదివరకు వన్డే ప్రపంచకప్నకు భారత్ మూడు సార్లు ఆతిథ్యమిచ్చింది. అయితే 1987లో పాకిస్థాన్తో, 1996లో పాక్, శ్రీలంకలతో కలిసి సంయుక్తంగా వేదికను పంచుకుంది. తాజాగా 2011లో బంగ్లాదేశ్, శ్రీలంకలతో కలసి ప్రపంచకప్నకు ఆతిథ్యమిచ్చింది. ఆ సంవత్సరం మహేంద్ర సింగ్ ధోని కెప్టెన్సీలో భారత్ ఫైనల్లో శ్రీలంకపై ఉత్కంఠ పోరులో గెలిచి ఛాంపియన్గా నిలిచింది. ఈ సంవత్సరం మాత్రం మ్యాచ్లన్నీ పూర్తిగా భారత్లోనే నిర్వహించనున్నారు.
ఐసీసీ ఈవెంట్స్లో ఎవరిది పైచేయి..
భారత్, పాకిస్థాన్ వన్డే ప్రపంచ కప్లో 7 సార్లు తలపడితే ఏడింట్లోనూ భారత్ జయకేతనం ఎగురవేసింది. టీ20 వరల్డ్ కప్లో కూడా ఇరు జట్ల మధ్య ఏడు సార్లు మ్యాచ్ జరగగా... భారత్ 5 సార్లు, పాక్ ఒకసారి గెలిచింది. ఒక మ్యాచ్లో ఫలితం రాలేదు. ఈ రెండు ఐసీసీ ఈవెంట్స్లో పాకిస్థాన్ మీద పై చేయి సాధించిన భారత్ ఛాంపియన్స్ ట్రోఫీలో మాత్రం సత్తా చాటలేకపోయింది. రెండు జట్లు ఛాంపియన్స్ ట్రోఫీలో ఐదు సార్లు ఎదురుపడ్డాయి. రెండిటిలో భారత్ నెగ్గింది. పాకిస్థాన్ మూడింట్లో విజయం సాధించింది.
