ఆసీస్‌తో ఉత్కంఠగా సాగిన నిర్ణయాత్మక మూడో టీ20లో భారత్ 6 వికెట్ల తేడాతో విజయం సాధించింది. 187 పరుగుల లక్ష్యాన్ని 19.5 ఓవర్లలోనే ఛేదించింది. దీంతో భారత్ ఖాతాలోకి మరో టీ20 సిరీస్ చేరింది.
బ్యాటింగ్‌లో సూర్యకుమార్‌ యాదవ్‌ (69), విరాట్‌ కోహ్లీ (63) హాఫ్‌ సెంచరీలతో రాణించి జట్టు విజయంలో కీలక పాత్ర పోషించారు. ఆఖర్లో హార్దిక్‌ (25*) కూడా నిలకడగా ఆడారు. ఆస్ట్రేలియా బౌలర్లలో డేనియల్‌ సామ్స్‌ 2 వికెట్లు తీయగా.. హేజిల్‌వుడ్‌, ప్యాట్‌ కమిన్స్‌ తలో వికెట్‌ పడగొట్టారు.
తొలుత టాస్‌ ఓడి బ్యాటింగ్‌ చేసిన ఫించ్‌సేన నిర్ణీత ఓవర్లలో 7 వికెట్లు కోల్పోయి 186 పరుగులు చేసింది. బ్యాటింగ్‌లో ఓపెనర్ కామెరూన్‌ (52), టిమ్‌ డేవిడ్‌ (54) ఇద్దరు అర్ధ శతకాలతో మెరుపు ఇన్నింగ్స్‌ ఆడారు. ఇంగ్లిస్‌ (24), డేనియల్‌ సామ్స్‌(28*) కూడా రాణించారు. భారత బౌలర్లలో అక్షర్ 3 వికెట్లు తీయగా.. భువీ, చాహల్‌, హర్షల్ తలో వికెట్‌ తీశారు.
