టీమ్ఇండియాతో వన్డే సిరీస్లో తొలి రెండు మ్యాచ్ల్లో సెంచరీలతో అదరగొట్టిన స్మిత్.. తన ప్రదర్శనకు గల కారణాలను వెల్లడించాడు. గ్రిప్ మార్చడం వల్లే ఇది సాధ్యమైందని చెప్పాడు.
ఈ ఏడాది ఐపీఎల్లో రాజస్థాన్ రాయల్స్కు కెప్టెన్సీ చేసిన స్మిత్.. పేలవ బ్యాటింగ్తో నిరాశపరిచాడు. 14 మ్యాచ్లు ఆడి 311 పరుగులే చేశాడు. అయితే కొద్దిరోజుల విరామం తర్వాత భారత్తో సిరీస్లో చెలరేగుతున్నాడు. దీంతో 'నా చేతులు మళ్లీ దొరికేశాయి' అంటూ తన ఫామ్ గురించి చెప్పుకొచ్చాడు.
"గతంలో నా గ్రిప్ భిన్నంగా ఉండేది. 2014, 2015లో ఉత్తమ ప్రదర్శన చేసినప్పుడు నాకున్న గ్రిప్ వేరు. ఆ తర్వాత నా చేతులు అదుపు తప్పాయి. అందువల్లే బంతిని అనుకున్నట్లుగా టచ్ చేయలేకపోయాను. మళ్లీ ఇప్పుడు నాకు సరైన గ్రిప్ దొరికింది. ఈ బ్యాటింగ్ శైలితో అనుకున్నట్లు ఆడుతున్నాను"
-స్టీవ్ స్మిత్, ఆస్ట్రేలియా ఆటగాడు
ఇదీ చదవండి:మ్యాచులు ఆడకుండానే ఆటగాళ్లకు వేతనం!
