Team india: 1000వ వన్డేలో భారత్ ఘనవిజయం సాధించింది. వెస్టిండీస్తో జరిగిన ఈ మ్యాచ్లో 6 వికెట్ల తేడాతో గెలిచింది. అర్ధ సెంచరీ చేసిన రోహిత్ శర్మ.. అటు కెప్టెన్, బ్యాటర్గా తన మార్క్ చూపించాడు.
అహ్మదాబాద్లో మోదీ స్టేడియంలో జరిగిన ఈ మ్యాచ్లో 177 పరుగుల లక్ష్యంతో బరిలో దిగిన టీమ్ఇండియా.. 28 ఓవర్లలో దానిని పూర్తి చేసింది. అంతకు ముందు బ్యాటింగ్లో ఆరంభం నుంచే అదరగొట్టింది. ఓపెనింగ్ జోడీ రోహిత్ శర్మ-ఇషాన్ కిషన్.. తొలి వికెట్కు 84 పరుగులు జోడించారు. అనంతరం 60 పరుగులు చేసిన రోహిత్ ఔటయ్యాడు.
మాజీ కెప్టెన్ కోహ్లీ.. కేవలం 8 పరుగులే చేసి పెవిలియన్ చేరాడు. మిగిలిన బ్యాటర్లలో ఇషాన్ కిషన్ 28, పంత్ 11, సూర్యకుమార్ యాదవ్ , దీపక్ హుడా పరుగులు చేశారు. విండీస్ బౌలర్లలో జోసెఫ్ 2, హుసేన్ ఓ వికెట్ తీశారు.
అంతకు ముందు టాస్ ఓడి బ్యాటింగ్కు దిగిన వెస్టిండీస్.. ప్రారంభం నుంచే వికెట్లు కోల్పోయింది. మన బౌలర్ల స్పిన్ మాయాజాలానికి చిక్కిన కరీబియన్లు.. 176 పరుగులకే ఆలౌట్ అయ్యారు. హోల్డర్ అత్యధికంగా 57 పరుగులు చేశాడు. భారత బౌలర్లలో చాహల్ 4, సుందర్ 3, ప్రసిద్ధ్ 2, సిరాజ్ ఓ వికెట్ తీశారు.
