IND Vs SA First test: దక్షిణాఫ్రికాతో జరుగుతున్న మొదటి టెస్టు తొలి రోజు ఆట ముగిసింది. కేఎల్ రాహుల్(122*) సెంచరీ, మయాంక్ అగర్వాల్(60) ధనాధన్ ఇన్నింగ్స్ తోడవ్వడం వల్ల ఆటముగిసే సమయానికి టీమ్ఇండియా భారీ స్కోరు చేసింది. మూడు వికెట్లు కోల్పోయి 272 పరుగులు చేసింది. ఆసీస్ బౌలర్లలో నింగిడి ఒక్కడే మూడు వికెట్లు తీయడం విశేషం. ప్రస్తుతం క్రీజులో రాహుల్, రహానె ఉన్నారు.
మొదట టాస్ గెలిచి బ్యాటింగ్ ఎంచుకున్న టీమ్ఇండియాకు మంచి శుభారంభం దక్కింది. తొలి సెషన్లో ఓపెనర్లు కేఎల్ రాహుల్(122*) మయాంక్ అగర్వాల్ (60) అదరగొట్టారు. అయితే రెండో సెషన్ ఆరంభంలోనే వీరిద్దరి జోడీని విడగొట్టాడు లుంగి ఎంగిడి. ఇతడి బౌలింగ్లో మయాంక్ ఎల్బీడబ్ల్యూగా వెనుదిరిగాడు. తొలుత అంపైర్‌ ఔటవ్వలేదు. దీంతో దక్షిణాఫ్రికా రివ్యూ (సమీక్ష) కోరింది. అక్కడ ఫలితం సౌతాఫ్రికాకు అనుకూలంగా రావడం వల్ల టీమ్ఇండియా తొలి వికెట్ కోల్పోయింది. దీంతో తొలి వికెట్కు 117 పరుగుల భాగస్వామ్యం నమోదైంది.
మయాంక్ ఔటైన తర్వాత క్రీజులోకి వచ్చిన పుజారా(0) గోల్డెన్‌ డకౌటయ్యాడు. దీంతో భారత్ రెండో వికెట్ కోల్పోయింది. అనంతరం విరాట్ కోహ్లి క్రీజులోకి వచ్చాడు. రాహుల్తో కలిసి మరో వికెట్ పడకుండా జాగ్రత్తగా ఆడాడు. ఈ క్రమంలోనే టీ విరామం సమయానికి రెండు వికెట్లు కోల్పోయి 157 పరుగులు చేసింది టీమ్ఇండియా.
మూడో సెషన్లో జాగ్రత్తగా ఆడుతున్న విరాట్(35) మళ్లీ లుంగిడీనే దెబ్బతీశాడు. అతడు వేసిన 68.2 బంతికి క్లీప్లో ముల్డర్కు క్యాచ్ ఇచ్చి వెనుదిరిగాడు. దీంతో 199 పరుగుల వద్ద మూడో వికెట్ను కోల్పోయింది టీమ్ఇండియా. ఆ తర్వాత క్రీజులో వచ్చిన అజింక్యా రహానె(40) రాహల్తో కలిసి స్కోరు బోర్డును పరుగులెత్తించారు. ఈ క్రమంలోనే కేఎల్ శతకం పూర్తి చేసుకున్నాడు. కేశవ్ మహారాజ్ వేసిన 77.5 బంతికి ఫోర్ బాది మూడంకెల స్కోరును అందుకున్నాడు. టెస్టుల్లో అతడికిది ఏడో సెంచరీ కావడం విశేషం.
రెండో ఓపెనర్గా
దక్షిణాఫ్రికా గడ్డపై టెస్ట్ సెంచరీ సాధించిన రెండో ఓపెనర్గా రాహుల్ రికార్డుకెక్కాడు. అంతకుముందు వసీమ్ జాఫర్ 2006-07లో జరిగిన ఓ టెస్ట్ మ్యాచ్లో 116పరుగులు సాధించాడు.
ఇదీ చూడండి: కేఎల్ రాహుల్-మయాంక్ రికార్డు.. 11ఏళ్లలో ఇదే తొలిసారి
