Ind vs SA 3rd Test: టీమ్ఇండియాతో సిరీస్ డిసైడర్ మ్యాచ్ కోసం సిద్ధంగా ఉన్నట్లు చెప్పాడు దక్షిణాఫ్రికా సారథి డీన్ ఎల్గర్. భారత జట్టులోకి కెప్టెన్ విరాట్ కోహ్లీ తిరిగిరావడం వల్ల ఈ టెస్టు.. గత 10-15ఏళ్లలో జరిగే అత్యంత తీవ్రమైన పోరుగా మారనుందని చెప్పాడు.
"విరాట్ ఉంటే ఆట మరో స్థాయిలో ఉంటుంది. నేను అతన్ని మిస్ అవలేదు. భారత జట్టే అతడి సూచనలను, వ్యూహాలను మిస్ అయ్యింది. విరాట్.. ప్రపంచ స్థాయి ఆటగాడు. విరాట్ పేరే అతడి గురించి చెబుతుంది. అయితే ప్రత్యర్థి ఎవరన్నది మాకు ముఖ్యం కాదు. జట్టుగా.. ముందు మాపైనే దృష్టిసారిస్తాం."
-డీన్ ఎల్గర్, దక్షిణాఫ్రికా కెప్టెన్
ప్రస్తుతం దక్షిణాఫ్రికా పర్యటనలో ఉన్న టీమ్ఇండియా.. జనవరి 11 నుంచి టెస్టు సిరీస్లో ఆఖరిదైన మూడో మ్యాచ్ ఆడనుంది. ఇప్పటికే 1-1తో ఇరు జట్లు సమంగా ఉన్నాయి. సఫారి గడ్డపై తొలి టెస్టు సిరీస్ విజయం కోసం ఉవ్విళ్లూరుతోంది భారత్. ఈ క్రమంలో గత 10-15 ఏళ్లలో ఇదే అత్యంత పెద్ద టెస్టు పోరుగా నిలవనుందని అన్నాడు డీన్ ఎల్గర్.
ఇదీ చూడండి: దక్షిణాఫ్రికాతో మూడో టెస్టు.. కోహ్లీ ఈ రికార్డు సాధించేనా?
