Ind vs Eng: టీమ్​ఇండియా ముందు మోస్తరు లక్ష్యం

నాటింగ్​హామ్​ వేదికగా ఇంగ్లాండ్​తో జరుగుతోన్న తొలి టెస్టులో విజయానికి 157 పరుగుల దూరంలో ఉంది టీమ్​ఇండియా. నాలుగో రోజు ఆట ముగిసే సమయానికి భారత్ 52/1​ పరుగులు చేసింది.

నాటింగ్​హామ్​ టెస్టు రెండో ఇన్నింగ్స్​లో నాలుగో రోజు ఆట ముగిసే సమయానికి టీమ్ఇండియా వికెట్ నష్టపోయి 52 పరుగులు చేసింది. ప్రస్తుతం రోహిత్ శర్మ (12), పుజారా (12) క్రీజులో ఉన్నారు. విజయానికి 157 పరుగుల దూరంలో నిలిచింది కోహ్లీ సేన.

అంతకుముందు రెండో ఇన్నింగ్స్​లో ఇంగ్లాండ్​ 303 పరుగులకు ఆలౌటైంది. కెప్టెన్ రూట్​ సెంచరీతో ఆకట్టుకున్నాడు. సామ్ కరన్​, బెయిర్​ స్టో దూకుడుగా ఆడారు.

ఇదీ చూడండి: జడేజా ఖాతాలో మరో ఘనత.. ఆ జాబితాలో 5వ స్థానం