ICC World Cup 2023 Viewership : భారత్ వేదికగా జరుగుతోన్న 2023 వరల్డ్కప్ను భారీ స్పందన లభిస్తోంది. ఈ ప్రపంచ కప్లో ఇప్పటివరకు జరిగిన మ్యాచ్లకు పది లక్షలకు పైగా మంది హాజరయ్యారు. దీంతో క్రికెట్ చరిత్రలో అత్యధికంగా ప్రేక్షకులు హాజరైన ఐసీసీ ఈవెంట్స్లో ఒకటిగా నిలిచిందీ వరల్డ్ కప్. ఇంకా ఆరు మ్యాచ్లు జరగాల్సి ఉండగానే.. శుక్రవారం అహ్మదాబాద్లోని నరేంద్ర మోదీ స్టేడియంలో జరిగిన అఫ్గానిస్థాన్-దక్షిణాఫ్రికా మ్యాచ్లో ఈ ఫీట్ సాధించింది. అంతేకాకుండా ఈ ఎడిషన్ మెగాటోర్నీ.. డిజిటల్ మాధ్యమంలో పలు వ్యూవర్షిఫ్ రికార్డులను బద్దలుగొట్టింది. అయితే నాన్ ఇండియా మ్యాచ్లకు కూడా క్రికెట్ అభిమానులు తరలిరావడం గమనార్హం.
"ఈ వరల్డ్ కప్నకు ఇప్పటికే పది లక్షల మంది ప్రేక్షకులు హాజరయ్యారు. ఈ రికార్డు స్థాయి వ్యూవర్షిఫ్తో.. ICC పురుషుల క్రికెట్ ప్రపంచ కప్ 2023 ప్రపంచవ్యాప్తంగా ఉన్న క్రికెట్ అభిమానులకు, వన్డే ఫార్మాట్‌పై ఉన్న ఆసక్తిని గుర్తు చేసింది. వరల్డ్ కప్నకు ఉన్న విలువను హైలైట్ చేసింది"
-- క్రిస్ టెట్లీ, ఐసీసీ హెడ్ ఆఫ్ ఈవెంట్స్
'కింగ్' కోహ్లీ ఇన్నింగ్స్ రికార్డ్..!
Kohli 49th Century Viewership : కోల్‌కతాలోని ఈడెన్ గార్డెన్స్‌ స్టేడియంలో దక్షిణాఫ్రికాపై జరిగిన మ్యాచ్లో.. టీమ్ఇండియా స్టార్ బ్యాటర్ విరాట్ కోహ్లీ ఆడిన ఇన్నింగ్‌ను 4.4 కోట్ల మంది చూశారు. ఇప్పటివరకు ఆన్లైన్ స్ట్రీమింగ్ ప్లాట్ఫామ్ డిస్నీ హాట్‌స్టార్ చరిత్రలోనే ఈ స్థాయిలో వ్యూవర్షిప్ నమోదు కాకపోవడం గమనార్హం.
ఈ వరల్డ్ కప్లో శనివారం వరకు 42 మ్యాచ్లు జరిగాయి. భారత్ గ్రూప్ దశలో తన తదుపరి మ్యాచ్లో నెదర్లాండ్స్తో ఆదివారం తలపడనుంది. ఇది టోర్నమెంట్లో జరిగే చివరి గ్రూప్ మ్యాచ్. ఇక ఈ మ్యాచ్ తర్వాత 15, 16 తేదీల్లో సెమీ ఫైనల్స్, 19న ఫైనల్ ఉంటుంది. అయితే ఇప్పటికే భారత్, దక్షిణాఫ్రికా, ఆస్ట్రేలియా సెమీస్కు చేరుకున్నాయి. అయితే కివీస్ కూడా సెమీ ఫైనల్ బెర్త్ను దాదాపు ఖాయం చేసుకుంది. ఒకవేళ శనివారం ఇంగ్లాండ్తో జరిగే మ్యాచ్లో పాక్ భారీ (287 పరుగులు లేదా ఇంగ్లాండ్ను 13 పరుగుల్లోపే ఆలౌట్ చేయాలి) తేడాతో గెలిస్తే.. ఆ జట్టు సెమీస్కు చేరుతుంది.
వరల్డ్ కప్లో కొత్త మెరుపులు - సీనియర్స్ ఉన్నా యంగ్ ప్లేయర్ల హవా!
కెప్టెన్సీకి బాబర్ అజామ్ గుడ్ బై- ఇంగ్లాండ్తో మ్యాచ్ తర్వాతే!
