ICC New Chairman Ganguly: ఐసీసీ కొత్త ఛైర్మన్గా బీసీసీఐ అధ్యక్షుడు గంగూలీ ఎంపిక దాదాపు ఖరారైందని తెలుస్తోంది. ఇంగ్లీష్ వెబ్సైట్లు ఈ విషయాన్ని ప్రచురిస్తున్నాయి. సోషల్మీడియాలోనూ ఈ ప్రచారం సాగుతోంది. రేసులో బీసీసీఐ కార్యదర్శి జై షా, కేంద్ర క్రీడల మంత్రి అనురాగ్ ఠాకూర్ పేర్లు ప్రముఖంగా వినిపించినా అవన్నీ పుకార్లేనని కొట్టిపారేశాయి. అయితే ఈ విషయమై బీసీసీఐ వర్గాలు స్పందించలేదు. అధ్యక్ష ఎన్నికకు సమయం చాలా ఉందని, ఇప్పటి నుంచే ఆ చర్చ ఎందుకుని ఓ బోర్డు అధికారి అన్నారు.
కాగా, ప్రస్తుత ఐసీసీ ఛైర్మన్ గ్రెగ్ బార్ల్కే(న్యూజిలాండ్) పదవీకాలం.. ఈ ఏడాది నవంబరుతో ముగియనుండటం వల్ల ఆ పదవి ఎవరిని వర్తిస్తుందోనని క్రికెట్ వర్గాలు ఆసక్తిగా ఎదురుచూస్తున్నాయి. గతంలో ఈ పదవిలో నలుగురు భారతీయులు పనిచేశారు. బీసీసీఐ మాజీ అధ్యక్షుడు జగ్మోహన్ దాల్మియా, మాజీ కేంద్ర మంత్రి శరద్ పవార్, చెన్నై సూపర్ కింగ్స్ అధినేత శ్రీనివాసన్, సీనియర్ న్యాయవాది శశాంక్ మనోహర్‌ ఐసీసీ చైర్మన్‌ హోదాలో పని చేశారు.
ఇదీ చూడండి: అభిమానులతో సూర్య, రోహిత్‌, పంత్‌ ముచ్చట్లు.. లైవ్లోకి ధోనీ
