ICC Player of the Month March: అంతర్జాతీయ క్రికెట్ మండలి మార్చి నెలకు సంబంధించి ప్లేయర్ ఆప్ ది మంత్ జాబితాను ప్రకటించింది. ప్రపంచవ్యాప్తంగా మెరుగైన ప్రదర్శన చేసే ఆటగాళ్లను గుర్తించి ప్రతి నెల అవార్డులను ఇస్తుంటుంది ఐసీసీ. అందులో భాగంగానే మార్చి నెల కోసం టాప్ ఆటగాళ్ల పేర్లను వెల్లడించింది.
పురుషుల విభాగం: మార్చి నెలలో అద్భుత ప్రదర్శన చేసిన పాకిస్థాన్ కెప్టెన్ బాబర్ అజామ్, వెస్టిండీస్ సారథి క్రెయిగ్ బ్రాత్వైట్, ఆస్ట్రేలియా వన్డే కెప్టెన్ పాట్ కమిన్స్ పేర్లను నామినేట్ చేసినట్లు ఐసీసీ వెల్లడించింది. సొంత గడ్డపై ఆస్ట్రేలియాతో జరిగిన టెస్ట్ సీరిస్లో పాక్ కెప్టెన్ బాబర్ అజామ్ అద్భుత ప్రదర్శన చేశాడు. అజేయ సెంచరీతో 390 పరుగులు చేసి ఈ జాబితాలో ముందున్నాడు. రెండు వన్డేల్లోనూ మంచి ప్రదర్శన చేశాడు.
మహిళల కేటగిరీ: ఇటీవల జరిగిన మహిళల ప్రపంచ కప్లో అద్భుత ప్రదర్శనతో ఆకట్టుకున్ను ముగ్గురిని ప్లేయర్ ఆఫ్ ది మంత్కు నామినేట్ చేసినట్లు ఐసీసీ ప్రకటించింది. అందులో ఇంగ్లాండ్ బౌలర్ సోఫీ ఎక్లెస్టోన్, ఆస్ట్రేలియా రన్ మిషన్ రాచెల్ హెన్స్, దక్షిణాఫ్రికాకు చెందిన లౌరా వోల్వార్డ్టో ఉన్నారు. వచ్చే వారం విజేతలను ప్రకటించనుంది.
ఇదీ చూడండి: ఇప్పటికీ.. ఎప్పటికీ.. ఆయనే నాకు స్ఫూర్తి: రోహిత్
