టీమ్ ఇండియా బ్యాటర్ శ్రేయస్ అయ్యర్ ఐసీసీ ర్యాంకింగ్స్లో అదరగొట్టాడు. మూడు స్థానాలు మెరుగుపరచుకుని 33 స్థానంలో నిలిచాడు. మరోపక్క, బౌలింగ్లో కుల్దీప్ యాదవ్ టాప్ 25లోకి వెళ్లాడు. ఈ మేరకు బుధవారం ఐసీసీ పురుషుల వన్డే ప్లేయర్ల ర్యాంకులను ప్రకటించింది.
ఇటీవల ముగిసిన భారత్ దక్షిణాఫ్రికా వన్డే సిరీస్లో శ్రేయస్ మెరిశాడు. మూడు మ్యాచ్ల్లో సఫారీలపై 191 పరుగులు సాధించాడు. అందులో ఒక సెంచరీ, ఒక అర్ధ సెంచరీ ఉన్నాయి. కుల్దీప్ యాదవ్ కూడా ఈ సిరీస్లో బాగానే రాణించాడు. మొత్తం మూడు మ్యాచ్ల్లో 6 వికెట్లు తీశాడు. భారత్ నుంచి జస్ప్రీత్ బుమ్రా పదో స్థానంలో ఉన్నాడు. యజువేంద్ర చాహల్ 20వ స్థానంలో కొనసాగుతున్నాడు.
సంజు శాంసన్ 93 ర్యాంకులోకి వచ్చాడు. దక్షిణాఫ్రికా సిరీస్లో రాణించి.. మొత్తం 118 పరుగులు చేశాడు. మొదటి వన్డేలో 86 పరుగులు సాధించి అదరగొట్టాడు. కానీ ఆ మ్యాచ్ భారత్ ఓటమి పాలైంది. అయితే ఈ ర్యాంకింగ్స్లో 6 స్థానాలు కోల్పోయి వన్డే కెప్టెన్ శిఖర్ ధావన్ 17 స్థానంలో కొనసాగుతున్నాడు. వన్డే సిరీస్ ఆడలేక పోయిన విరాట్ కోహ్లీ. రోహిత్ శర్మ కొన్ని స్థానాలు కోల్పోయారు.
టీ20ల్లో టాప్ 3లో సూర్య కూమార్
ఇప్పటికే ఐసీసీ టీ20 ర్యాంకింగ్స్లో ఆస్ట్రేలియాకు చెందిన ఆరోన్ ఫించ్, డేవిడ్ మిలన్ను కిందికి నెట్టి న్యూజిలాండ్కు చెందిన డెవాన్ కాన్వే 760 రేటింగ్ పాయింట్లతో టాప్ 5 బ్యాటర్ల జాబితాలోకి చేరాడు. ప్రస్తుతం కాన్వే న్యూజిలాండ్, బంగ్లాదేశ్, పాకిస్థాన్ మధ్య జరుగుతున్న ముక్కోనపు సిరీస్లో ఆడుతున్నాడు. ఈ సిరీస్లో ఇప్పటి వరకు 219 పరుగులు చేసి ఎక్కువ పరుగులు సాధించిన బ్యాటర్గా నిలిచాడు. అందులో రెండు అర్ధ సెంచరీలు ఉండగా.. అత్యధికంగా 70 పరుగులు చేశాడు.
ప్రస్తుతం దక్షిణాఫ్రికా బ్యాటర్ ఎయిడెన్ మార్క్రమ్ కంటే కొన్ని పాయింట్ల తేడాతో దిగువన ఉన్నాడు కాన్వే. మొదటి మూడు స్థానాల్లో ఉన్న మహ్మద్ రిజ్వాన్, సూర్య కుమార్ యాదవ్, బాబర్ ఆజమ్ వారి స్థానాలు కాపాడుకున్నారు. ఆల్ రౌండర్ ర్యాంకింగ్స్లో హార్దిక్ పాండ్యా ఐదో స్థానంలో కొనసాగుతున్నాడు. మొదటి స్థానంలో అఫ్గానిస్థాన్కు చెందిన మహ్మద్ నబి ఉన్నాడు. టీ20 ర్యాంకింగ్స్లో బౌలింగ్ విభాగంలో భువనేశ్వర్ కుమార్ 13వ స్థానంలో ఉన్నాడు.
ఇవీ చదవండి : రెజ్లర్‌ సుశీల్‌కు బిగుస్తున్న ఉచ్చు.. హత్య, హత్యాయత్నం కింద అభియోగాలు
'విరాట్ కోహ్లీ లాంటోళ్లు ఎందరో.. అలా చేస్తేనే మానసిక ఒత్తిడిని జయించొచ్చు'
