ఐసీసీ టెస్టు ర్యాంకింగ్స్ పురుషుల విభాగంలో పాకిస్థాన్ బౌలర్లు మెరుగుపడ్డారు. ఇటీవల జింబాబ్వే సిరీస్ విజయం సాధించడంలో కీలకంగా వ్యవహరించిన హసన్ అలీ, నౌమన్ అలీ, షాహీన్ అఫ్రిది కెరీర్లో అత్యుత్తమ ర్యాంకులకు చేరుకున్నారు.
హాసన్ ఆరు, షాహీన్ తొమ్మిది, నౌమాన్ ఆరు స్థానాలను ఎగబాకి వరుసగా 14, 22, 46వ ర్యాంకులకు చేరుకున్నారు. బ్యాట్స్మెన్లో పాక్కు చెందిన అబిద్ అలీ 40, అజ్హర్ అలీ 16 , నౌమన్116వ ర్యాంకుల్లో నిలిచారు.
జింబాబ్వే బ్యాట్స్మెన్లో రెగిస్ ఏకంగా 16 స్థానాలు ఎగబాకి 81వ ర్యాంకుకు, లూక్ జాంగ్వే 133వ స్థానంలో నిలిచాడు. బౌలర్లు ముజారాబనీ 51, టెండాయ్ కిసొరో 110వ స్థానంలో నిలిచారు.
మొత్తంగా బ్యాట్స్మెన్లో న్యూజిలాండ్ సారథి కేన్ విలియమ్సన్ అగ్రస్థానాన్ని కాపాడుకోగా, స్మిత్, లబుషేన్, రూట్.. రెండు, మూడు నాలుగు ర్యాంకుల్లో కొనసాగుతున్నారు. బౌలింగ్ విభాగంలో ప్యాట్ కమిన్స్(908 పాయింట్లు) తొలి స్థానాన్ని, రవిచంద్రన్ అశ్విన్(850) రెండో ర్యాంకును పదిలపరుచుకున్నారు.
ఇదీ చూడండి: ర్యాంకింగ్స్: ఐదులోనే కోహ్లీ- శ్రీలంక కెప్టెన్ కాస్త పైకి
