Glenn Maxwell Injury : గ్లెన్ మాక్స్వెల్ క్రికెట్కు దూరం కానున్నాడు. కాలికి గాయం కారణంగా కొన్ని నెలల పాటు ఆట నుంచి విశ్రాంతి తీసుకోనున్నాడు. ఈ మేరకు ఆస్ట్రేలియా సెలెక్షన్ కమిటీ చీఫ్ జార్జ్ బెయిలీ అధికారికంగా ప్రకటించారు.
ఆస్ట్రేలియా ఆల్ రౌండర్ గ్లెన్ మాక్స్వెల్ కాలికి శనివారం గాయం అయింది. తన స్నేహితుడి ఇంట్లో జరిగిన పుట్టిన రోజు వేడుకలో.. ఇంటి బ్యాక్ యార్డులో సరదాగా పరిగెడుతుండగా.. కాలు జారి కిందపడ్డాడు. అనంతరం అతడి కాలుకు ఫ్రాక్చర్ అయింది. ఆ సమయంలో మ్యాక్స్వెల్ మత్తులో ఉన్నట్లు తెలుస్తోంది. అనంతరం ఆస్పత్రికి తీసుకెళ్లగా.. విశ్రాంతి అవసరం అని వైద్యులు సూచించారు. దీంతో ఆస్ట్రేలియా క్రికెట్ బోర్డు మాక్స్వెల్కు జట్టు నుంచి కొన్ని నెలల పాటు తప్పించింది. ఇంగ్లాండ్ సిరీస్లో మ్యాక్స్వెల్ స్థానంలో సీన్ అబాట్ను జట్టులోకి తీసుకుంది.
ఇంగ్లాండ్తో ఆడబోయే వన్డే సిరీస్ నుంచి కూడా మ్యాక్స్వెల్ను దూరం పెట్టింది. డిసెంబర్లో జరగబోయే ఆస్ట్రేలియా దేశవాళీ 'షెఫీల్డ్ షీల్డ్' టోర్నమెంట్, ఆ తర్వాత జరిగే దక్షిణాఫ్రికా సిరీస్కు కూడా దూరమయ్యే అవకాశాలున్నాయి.
"గ్లెన్ ఉత్సాహంతో మంచి ప్రదర్శన చేస్తున్నాడు. కానీ అతడికి ఈ ప్రమాదం జరగడం దురదృష్టకరం. గత కొన్ని మ్యాచ్ల్లో గ్లెన్.. మంచి ప్రదర్శన చేశాడు. అతడు మా వైట్ బాల్ క్రికెట్లో కీలక ఆటగాడు. అతడు త్వరగా కోలుకోవాలని, మళ్లీ జట్టులోకి పునరాగమనం చేయాలని కోరుకుంటున్నా" అని ఆస్ట్రేలియా సెలెక్షన్ కమిటీ చీఫ్ జార్జ్ బెయిలీ పేర్కొన్నారు.
ఇవీ చదవండి : 'ఒక్క ఛాన్స్‌ ఇవ్వమని అడిగా..' సైకిల్‌పైనే అకాడమీకి.. కఠోర శ్రమతో జట్టులోకి
ముంబయి ఇండియన్స్ ఫ్యాన్స్కు షాక్.. కీలక ప్లేయర్ రిలీజ్..!
