టీమ్ఇండియా సారథి విరాట్ కోహ్లీ(Maxwell on Virat Kohli), దక్షిణాఫ్రికా మాజీ ఆటగాడు ఏబీ డివిలియర్స్ను ప్రశంసలతో ముంచెత్తాడు ఆస్ట్రేలియా ఆల్రౌండర్ గ్లెన్ మ్యాక్స్వెల్(Maxwell on RCB). తాను తిరిగి ఫామ్లోకి రావడానికి కారణం విరాట్, డివిలియర్సే అని అన్నాడు. ఐపీఎల్లో రాయల్ ఛాలెంజర్స్ బెంగళూరు తరఫున వారిద్దరితో కలిసి ఆడటం వల్ల తాను '10 అడుగుల ఎత్తు' ఉన్నట్లు ఫీల్ అవుతున్నానని తెలిపాడు.
"ప్రతి రోజు ఓ కొత్త విషయం నేర్చుకోవాలని నేను పరితపిస్తాను. విరాట్, డివిలియర్స్ పరిస్థితులను ఎలా ఎదుర్కొంటారో గమనిస్తుండేవాడిని. ఐపీఎల్కు కృతజ్ఞత చెప్పుకోవాలి. ప్రపంచంలోని ఉత్తమ ఆటగాళ్ల నుంచి చాలా విషయాలు నేర్చుకునే అవకాశం ఐపీఎల్ కల్పిస్తుంది."
-మ్యాక్స్వెల్, ఆసీస్ ఆల్రౌండర్.
తాను బాగా ఆడితే ఆస్ట్రేలియా తప్పకుండా టీ20 ప్రపంచకప్(T20 World Cup 2021) గెలుస్తుందని మ్యాక్స్వెల్ ఆశాభావం వ్యక్తం చేశాడు. టీమ్ఇండియాతో వార్మప్ మ్యాచ్ నేపథ్యంలో ఈ వ్యాఖ్యలు చేశాడు. ఐపీఎల్లో ఆడిన తీరును కొనసాగిస్తే తాను తిరిగి ఫామ్లోకి వచ్చినట్లే అవుతుందని తెలిపాడు. ఆర్సీబీ తరఫున ఆడి కోహ్లీ, డివిలియర్స్ నుంచి చాలా విషయాలు నేర్చుకున్నానని మ్యాక్సీ పేర్కొన్నాడు. కుడిచేతి బ్యాట్స్మన్ను ఔట్ చేసేందుకు ఓవర్ ది వికెట్ బౌలింగ్ ప్రాక్టీస్ చేస్తున్నట్లు సష్టం చేశాడు.
ఇదీ చదవండి:
