టీమ్ఇండియా మాజీ కెప్టెన్ మహేంద్ర సింగ్ ధోనీ కొత్త లుక్లో కనిపించాడు. కుటుంబ సభ్యులతో కలిసి డబ్ల్యూటీసీ మ్యాచ్ను వీక్షించడానికి హిమాచల్ ప్రదేశ్ షిమ్లాకి వెళ్లాడు. రానున్న ఐపీఎల్లోనూ ధోనీ ఇదే స్టైల్లో కనిపిస్తాడేమో చూడాలి మరీ.
ధోనీ షిమ్లాకు వచ్చాడని తెలుసుకున్న అతడి అభిమానులు పెద్ద ఎత్తున అక్కడికి చేరుకున్నారు. ఇది గమనించిన జిల్లా మేజిస్ట్రేట్తో పాటు పోలీసు వర్గాలు కట్టుదిట్టమైన భద్రత కల్పించారు. అలాగని ఫ్యాన్స్ను ఏమి నిరాశ పెట్టలేదు మహి.. వారితో కలిసి ఫొటోలు దిగాడు. ఆటోగ్రాఫ్లు ఇచ్చాడు.
ధోనీ సిక్సర్కు గూగుల్ గుర్తింపు..
ఐపీఎల్ అంటే సిక్సులు, ఫోర్లు.. అభిమానుల కేరింతలే గుర్తొస్తాయి. అలాంటిది గతేడాది కరోనా వల్ల అభిమానుల్లేకుండానే మ్యాచ్లు జరిగాయి. అయినా సరే కావాల్సినంత వినోదాన్ని పంచింది ఆ సీజన్. అందులో ధోనీ, స్టేడియం బయటకు కొట్టిన ఓ సిక్స్ అయితే ఇప్పటికీ అభిమానులకు గుర్తుంది. ఇప్పుడు ఆ సిక్స్కు గూగుల్ గుర్తింపు లభించడం మహీ ఫ్యాన్స్ ఆనందానికి హద్దుల్లేకుండా చేస్తోంది.
షార్జా స్టేడియంలో చెన్నై సూపర్కింగ్స్-రాజస్థాన్ రాయల్స్ మధ్య మ్యాచ్ అది. చివర్లో ధోనీ వరుస సిక్సర్లు కొట్టాడు. అందులో ఓ సిక్స్ స్టేడియం బయట రోడ్డుపై పడింది. ఆ బంతిని ఓ అభిమాని తీసుకుని వెళ్లిపోవడం కెమెరాల్లో రికార్డు కూడా అయింది. అయితే ఆ బంతి పడిన చోటును గూగుల్ మ్యాప్లో 'ధోనీస్ సిక్స్'గా పలువురు నెటిజన్లు పేరు పెట్టారు. దానిని గూగుల్ నుంచి ధ్రువీకరణ వచ్చింది. కావాలంటే ఈ దిగువన ఉన్న ఫొటో చూసేయండి.
ఈ ఏడాది ఏప్రిల్-మేలో జరిగిన ఐపీఎల్.. క్రికెటర్లకు కరోనా కేసులు రావడం వల్ల మధ్యలోనే నిలిచిపోయింది. మిగిలిన మ్యాచ్ల్ని యూఏఈలో సెప్టెంబరు-అక్టోబరు మధ్య నిర్వహించనున్నట్లు బీసీసీఐ ఇటీవల వెల్లడించింది.
ఇదీ చదవండి: Viral Video: గుర్రంతో పోటీపడి పరుగెడుతున్న ధోనీ
