ఇంగ్లాండ్ అత్యుత్తమ టెస్టు జట్టు కెప్టెన్గా చరిత్ర సృష్టించాడు ఆ జట్టు సారథి జో రూట్. భారత్తో జరిగిన మూడో టెస్టులో విజయం సాధించిన తర్వాత ఈ రికార్డును తన ఖాతాలో వేసుకున్నాడు రూట్.
2017లో టెస్టు జట్టు కెప్టెన్గా బాధ్యతలు స్వీకరించిన రూట్ సారథ్యంలో.. ఆడిన 55 మ్యాచ్ల్లో 27 మ్యాచ్లు గెలిచింది ఇంగ్లాండ్. ఈ నేపథ్యంలో 51 మ్యాచ్లాడి 26 గెలిచిన మైకేల్ వాన్ను అధిగమించాడు రూట్. వాన్ తర్వాత స్థానాల్లో అలిస్టర్ కుక్, ఆండ్రూ స్ట్రాస్ ఉన్నారు.
భారత్-ఇంగ్లాండ్ మధ్య జరుగుతున్న టెస్టు సిరీస్లో భాగంగా.. మూడో టెస్టులో ఇంగ్లాండ్ ఘనవిజయం సాధించింది. ఇన్నింగ్స్ 76 పరుగుల తేడాతో గెలిచి సిరీస్ను 1-1తో సమం చేసింది. ఈ టెస్టులోనూ రూట్ 121 పరుగులతో అజేయ సెంచరీతో మురిపించాడు.
ఇదీ చదవండి:
