ఇంగ్లాండ్తో జరుగుతోన్న రెండో టెస్టుకు భారత పేసర్ జస్ప్రీత్ బుమ్రాకు విశ్రాంతినిచ్చింది యాజమాన్యం. ఆటగాళ్లపై పనిభారం తగ్గించేందుకే ఇలా చేసినా.. తుది 11మందిలో ఎవరున్నారో గుర్తుంచుకోవడం మిగతా జట్టు సభ్యులకు కష్టంగా మారింది.
రోహిత్ శర్మ అచ్చం ఇలాగే పొరబడ్డాడు. రహానెతో కలిసి సరదాగా మైక్రోఫోన్లో మాట్లాడాడు హిట్మ్యాన్. ఫన్నీగా సాగిన ఈ వీడియోను బీసీసీఐ ట్విట్టర్లో పంచుకుంది.
"తొలి ఇన్నింగ్స్లో ప్రస్తుతం పంత్, అక్షర్ క్రీజులో ఉన్నారు. తదుపరి ఇషాంత్, బుమ్రా బ్యాటింగ్ చేయాల్సి ఉంది," అంటూ రోహిత్ చెప్పుకొచ్చాడు. వెంటనే తేరుకుని తన తప్పును సరిదిద్దుకున్నాడు. అంతలోనే అటుగా వచ్చిన ఇషాంత్ శర్మ.. బుమ్రా ఈ మ్యాచ్లో ఆడట్లేదంటూ గుర్తుచేశాడు.
పేరు పలకగానే వచ్చేశాడు అంటూ జస్ప్రీత్ను చూస్తూ రహానె సరదాగా అనడం వీడియోలో కనిపించింది.
ఇదీ చదవండి: 23న మొతేరా స్టేడియాన్ని ఆరంభించనున్న రాష్ట్రపతి
