టీమ్ఇండియా ఓపెనర్ కేఎల్ రాహుల్కు(KL Rahul news) జరిమానా విధించారు. డీఆర్ఎస్ తర్వాత అంపైర్ నిర్ణయంపై అసంతృప్తి వ్యక్తం చేసినందుకుగానూ అతడి మ్యాచ్ ఫీజులో 15 శాతం కోత విధిస్తూ నిర్ణయం తీసుకున్నారు ఐసీసీ ఎలైట్ ప్యానల్ ఆఫ్ మ్యాచ్ రిఫరీ సభ్యుడు క్రిస్ బోర్డ్.
టీమ్ఇండియా, ఇంగ్లాండ్ నాలుగో టెస్టులో(Ind vs Eng 4th test).. భారత్ రెండో ఇన్నింగ్స్ 34వ ఓవర్లో రాహుల్ ఐసీసీ నియమావళిని ఉల్లంఘించినట్లు బోర్డు స్పష్టం చేసింది. రాహుల్.. లెవల్ 1 స్థాయి ఉల్లంఘనకు పాల్పడినట్లు తెలిపింది. ఈ నేపథ్యంలో అతనికి ఓ డీమెరిట్ పాయింట్ను జత చేస్తున్నట్లు తెలిపింది. అయితే క్రిస్ బోర్డ్ లేవనెత్తిన ఉల్లంఘన అంశాన్ని రాహుల్ అంగీకరించాడు.
లెవల్ 1 స్థాయి ఉల్లంఘనకు పాల్పడిన ఆటగాడిపై 50 శాతం ఫీజు కోత విధించొచ్చు. ఒకటి లేదా రెండు డీమెరిట్ పాయంట్లు ఇచ్చే అవకాశం ఉంటుంది. 24 నెలల వ్యవధిలో ఓ ఆటగాడిపై నాలుగు లేదా అంతకన్నా ఎక్కువ డీమెరిట్ పాయింట్స్ ఉంటే అవి సస్పెన్షన్ పాయింట్లుగా మారుతాయి. ఆటగాడి బ్యాన్ చేస్తారు.
ఇదీ చదవండి:
