మార్చి 4 నుంచి ఇంగ్లాండ్తో జరగనున్న నిర్ణయాత్మక టెస్టు తుదిజట్టు నుంచి తప్పుకున్నాడు టీమ్ఇండియా పేసర్ జస్ప్రీత్ బుమ్రా. వ్యక్తిగత కారణాలతో తనను జట్టు ఎంపికలో పరిగణించవద్దని భారత క్రికెట్ నియంత్రణ మండలి(బీసీసీఐ)ని కోరాడు. అయితే ఈ నేపథ్యంలో బుమ్రా పెళ్లికి సిద్ధమయ్యాడనే వార్తలు వినిపిస్తున్నాయి. వివాహం కోసం కొన్ని రోజుల పాటు సెలవు కోరినట్లు తెలుస్తోంది. ఈ విషయాన్ని బీసీసీఐ వర్గాలు ధ్రువీకరించాయి.
"తాను పెళ్లి చేసుకోబోతున్నట్లు బీసీసీఐకి బుమ్రా సమాచారమిచ్చాడు. దీంతో వివాహానికి ముందు కొన్ని రోజులు సెలవు తీసుకున్నాడు." అని బీసీసీఐ వర్గాలు తెలిపాయి.
ప్రస్తుతం ఇంగ్లాండ్తో జరుగుతున్న టెస్టు సిరీస్లో రెండు మ్యాచ్లు ఆడిన బుమ్రా.. 4 వికెట్లను పడగొట్టాడు. చెన్నై వేదికగా జరిగిన రెండో టెస్టులో విశ్రాంతి తీసుకున్నాడు. అయితే మూడో టెస్టులో స్పిన్నర్లదే పైచేయి కావడం వల్ల బుమ్రాకు బౌలింగ్ వేసే అవకాశం రాలేదు. ఇంగ్లాండ్తో ఆడబోయే టీ20 సిరీస్లోనూ బుమ్రాకు విశ్రాంతినిచ్చింది బీసీసీఐ.
ఇదీ చూడండి: ఇంగ్లాండ్తో చివరి టెస్టుకు బుమ్రా దూరం
