నాటింగ్హామ్ వేదికగా ఇంగ్లాండ్తో జరుగుతున్న తొలి టెస్టు తొలి ఇన్నింగ్స్లో లంచ్ సమయానికి భారత్ 5 వికెట్ల నష్టానికి 191 పరుగులు చేసింది. క్రీజులో కేఎల్ రాహుల్(77), రవీంద్ర జడేజా(27) ఉన్నారు. ఇంగ్లాండ్ బౌలర్లలో అండర్సన్, రాబిన్సన్ తలో రెండు వికెట్లు తీసుకున్నారు.
మూడో రోజు ఆట ప్రారంభమైన కాసేపటికే భారత్ పంత్ వికెట్ను కోల్పోయింది. 20 బంతుల్లోనే 25 పరుగులు చేసిన రిషభ్.. రాబిన్సన్ బౌలింగ్లో క్యాచ్ ఔట్గా వెనుదిరిగాడు. అనంతరం క్రీజులోకి వచ్చిన జడేజా.. రాహుల్కు సహకరించాడు. ఈ జోడీ ఆరో వికెట్కు 46 పరుగుల భాగస్వామ్యం నమోదు చేసింది. ఈ క్రమంలో ఇంగ్లాండ్ తొలి ఇన్నింగ్స్ స్కోరును అధిగమించింది టీమ్ఇండియా. ప్రస్తుతం 8 పరుగుల ఆధిక్యంలో నిలిచింది.
వరుణుడి అంతరాయం..
ఆట ప్రారంభమైన కొద్దిసేపటికే మ్యాచ్కు వర్షం అంతరాయం కలిగించింది. దీంతో ఆటకు కొంతసేపు విరామం ప్రకటించారు. అనంతరం.. తిరిగి మ్యాచ్ కొనసాగుతోంది.
ఇంగ్లాండ్ తొలి ఇన్నింగ్స్లో 183 పరుగులకు ఆలౌటైంది. రూట్(64) టాప్ స్కోరర్. బుమ్రా 4, షమీ 3 వికెట్లు తీశారు.
