స్టార్ ఆల్రౌండర్ డ్వేన్ బ్రావో అలియాస్ డీజే బ్రావో.. టీ20ల్లో సరికొత్త రికార్డు నెలకొల్పాడు. ఈ ఫార్మాట్లో 500 మ్యాచ్లాడిన రెండో ఆటగాడిగా నిలిచాడు. అంతకుముందు కీరన్ పొలార్డ్ ఈ ఘనత సాధించాడు.
బుధవారం జరిగిన సీపీఎల్ ఫైనల్లో సెయింట్ కీట్స్ అండ్ నెవిస్ పేట్రియట్కు కెప్టెన్సీ వహించిన బ్రావో.. ఈ మార్క్ను అందుకున్నాడు. ఈ మ్యాచ్లో ఈ జట్టే విజేతగా నిలిచింది. తొలిసారి కప్పును ముద్దాడింది.
2006లో టీ20 అరంగేట్రం చేసిన బ్రావో.. ప్రపంచవ్యాప్తంగా వివిధ జట్లు, పలు లీగ్ల్లోని వివిధ ఫ్రాంచైజీల తరఫున ఆడాడు. టీ20 స్పెషలిస్ట్గా పేరు తెచ్చుకున్న ఇతడు.. 2010లో చివరగా టెస్టు.. 2017లో చివరగా వన్డే ఆడటం కాస్త ఆశ్చర్యం కలిగించే విషయం.
చెన్నై సూపర్కింగ్స్, ముంబయి ఇండియన్స్, గుజరాత్ లయన్స్, చిట్టగాంగ్ కింగ్స్, లాహోర్ కలందర్స్, మెల్బోర్న్ రెనెగేడ్స్, మెల్బోర్న్ స్టార్స్, పార్ల్ రాక్స్, ట్రిన్డాడ్ అండ్ టొబాగో, సిడ్నీ సిక్సర్స్ తదితర జట్లలో టీ20 మ్యాచ్లు ఆడాడు బ్రావో.
37 ఏళ్ల బ్రావో.. 500 టీ20 మ్యాచ్ల్లో 6566 పరుగులు చేశాడు. 540 వికెట్లు తీశాడు. అత్యధిక స్కోరు 70, అత్యుత్తమ బౌలింగ్ ప్రదర్శన 23/5.
ఐపీఎల్లో చెన్నైసూపర్కింగ్స్కు ఆడుతున్న బ్రావో.. త్వరలో యూఏఈ వేదికగా జరిగే టోర్నీలో పాల్గొంటాడు. ఈ టోర్నీలో ఇప్పటివరకు 144 మ్యాచ్లాడి 1510 పరుగులు చేయడం సహ 156 వికెట్లు పడగొట్టాడు.
ఇవీ చదవండి:
