Rahul Dravid Wriddhiman saha: టీమ్ఇండియా క్రికెటర్ వృద్ధిమాన్ సాహా చేసిన వ్యాఖ్యలపై హెడ్కోచ్ రాహుల్ ద్రవిడ్ స్పందించాడు. అతడి మాటలు తననేమీ బాధించలేదని చెప్పాడు. ఇప్పటికీ అతడి పట్ల తన మనసులో గౌరవం అలానే ఉందని చెప్పాడు.
"అతడి మాటలు నన్నేమీ బాధించలేదు. భారత క్రికెట్కు అతడు అందించిన సేవలు, ఆటగాడిగా అందుకున్న విజయాల పట్ల ఇప్పటికీ నా మనసులో అతడిపై గౌరవం అలానే ఉంది. ఆటగాళ్లతో ఎప్పుడూ మాట్లాడిట్లుగానే అతడితోనూ మాట్లాడాను. సాహాకు ఈ విషయంలో స్పష్టత అవసరం. అయినా ప్రతిసారి మనం ఇచ్చిన సలహాలు, సందేశాలు ప్రతి ఆటగాడికి నచ్చాలని లేదు కదా. అందుకే నేను ఎక్కువగా బాధపడలేదు. జట్టు ఎంపిక విషయంలో నేను లేదా కెప్టెన్ రోహిత్ శర్మ ప్లేయర్స్తో కచ్చితంగా మట్లాడతాం. వాళ్లని తుది జట్టు కోసం ఎందుకు ఎంపిక చేయలేదో అందుకు గల కారణాలను వివరిస్తాం. జట్టులో చోటు దక్కని వాళ్లు బాధపడటం సహజం."
-ద్రవిడ్, టీమ్ఇండియా హెడ్కోచ్.
ద్రవిడ్ రిటైర్మెంట్ అవ్వమన్నాడు
ద్రవిడ్ తనను రిటైర్మెంట్ అవ్వమన్నాడంటూ సాహా సంచలన వ్యాఖ్యలు చేశాడు. "ఇకపై జట్టు ఎంపికలో నన్ను పరిగణలోకి తీసుకోబోమని టీమ్ మేనేజ్మెంట్ ముందే చెప్పేసింది. రిటైర్మెంట్ గురించి ఆలోచించాలని కోచ్ ద్రవిడ్ నాకు సూచించాడు. గతేడాది న్యూజిలాండ్తో గాయంతో ఇబ్బంది పడుతూనే 61 పరుగులతో అజేయంగా నిలిచాను. అప్పుడు సౌరభ్ నాకు వాట్సాప్ ద్వారా శుభాకాంక్షలు చెప్పాడు. తాను బీసీసీఐ అధ్యక్షుడిగా ఉన్నంత కాలం దేని గురించి ఆలోచించాల్సిన పని లేదన్నాడు. దీంతో నా ఆత్మవిశ్వాసం పెరిగింది. కానీ ఇంత వేగంగా పరిస్థితులు ఎలా మారిపోయాయో నాకర్థం కావట్లేదు." అని సాహా అన్నాడు.
ఇదీ చూడండి: పుజారా, రహానె, సాహా, ఇషాంత్.. మళ్లీ వస్తారా?
