ఒక్క దెబ్బకు రెండు పిట్టలు అనే నానుడిని తిరగరాశాడు భారత కెప్టెన్ శిఖర్ ధావన్. లంక పర్యటనలో సారథిగా తొలి వన్డేతోనే పలు రికార్డులు తన ఖాతాలో వేసుకున్నాడు గబ్బర్. అవేంటో మీరు చదివేయండి.
- లంకతో మ్యాచ్లో 95 బంతుల్లో 86 పరుగులు చేసిన ధావన్.. కెప్టెన్ ఇన్నింగ్స్తో ఆకట్టుకున్నాడు. ఈ క్రమంలో 50 ఓవర్ల ఫార్మాట్లో 6 వేల పరుగులు పూర్తి చేసుకున్నాడు. ఈ ఘనత సాధించిన పదో భారత బ్యాట్స్మన్గా నిలిచాడు గబ్బర్.
- ఇందుకు గానూ శిఖర్ 140 ఇన్నింగ్స్లు తీసుకున్నాడు. ఈ క్రమంలో వివ్ రిచర్డ్స్, జో రూట్ (వీరిద్దరూ 141 ఇన్నింగ్స్లు)లను వెనక్కి నెట్టాడు. హషీమ్ ఆమ్లా(123 ఇన్నింగ్స్లు), విరాట్ కోహ్లీ(136 ఇన్నింగ్స్లు), కేన్ విలియమ్సన్(139 ఇన్నింగ్స్లు) అతడి కంటే ముందున్నారు.
- ఆరు వేల మార్క్ను అందుకున్న వారిలో అతడి కంటే ముందు సచిన్ తెందుల్కర్, విరాట్ కోహ్లీ, సౌరభ్ గంగూలీ, రాహుల్ ద్రవిడ్, ధోనీ, మహమ్మద్ అజారుద్దీన్, రోహిత్ శర్మ, యువరాజ్ శర్మ, వీరేంద్ర సెహ్వాగ్ ఉన్నారు.
- హాఫ్ సెంచరీతో రాణించిన ధావన్ శ్రీలంకపై వెయ్యి పరుగులు పూర్తి చేసుకున్నాడు. అదీ 17 ఇన్నింగ్స్ల్లోనే. భారత మాజీ కెప్టెన్ గంగూలీ ఇందుకు 20 ఇన్నింగ్స్లు తీసుకున్నాడు. ఈ క్రమంలో దాదా రికార్డును తిరగరాశాడు శిఖర్.
- కెప్టెన్గా బాధ్యతలు చేపట్టిన తొలి మ్యాచ్లోనే అర్ధ శతకం బాదిన ఐదో భారతీయుడిగా ధావన్ సరికొత్త ఫీట్ సాధించాడు. అతడికంటే ముందు అజిత్ వాడేకర్, రవిశాస్త్రి, సచిన్ తెందుల్కర్, అజయ్ జడేజా, ధోనీ ఉన్నారు.
- వన్డేలో 33వ అర్ధ శతకం సాధించిన శిఖర్.. అంతర్జాతీయ కెరీర్లో 10వేల మార్క్ను అందుకున్నాడు. ఈ ఘనత అందుకున్న 14వ భారత బ్యాట్స్మన్ ఆయన.
- కెప్టెన్గా తొలి మ్యాచ్లోనే జట్టుని ముందుండి గెలిపించాడు ధావన్.
ఇదీ చదవండి: ధావన్ రికార్డ్.. రాణించిన ఇషాన్.. భారత్ ఘన విజయం
