India vs South Africa 2nd T20: దక్షిణాఫ్రికాతో 5 మ్యాచ్ల టీ20 సిరీస్ను ఓటమితో ఆరంభించింది టీమ్ఇండియా. దిల్లీ వేదికగా జూన్ 9న జరిగిన తొలి మ్యాచ్లో భారీ స్కోరు (211) సాధించినా.. బౌలర్లు, ఫీల్డింగ్ వైఫల్యాలతో ఓటమిని మూటగట్టుకుంది. అయితే ఆదివారం (జూన్ 12) ఒడిశా కటక్లోని బారాబతి మైదానంలో జరగనున్న రెండో టీ20లో గెలిచి సిరీస్లో గెలిచి సిరీస్ను సమం చేయాలని భావిస్తోంది. అయితే గట్టిగా పునరాగమనం చేయాలని భావిస్తున్న టీమ్ఇండియా ప్రణాళికకు వరుణుడు గండి కొట్టే అవకాశం ఉంది.
మ్యాచ్ సందర్భంగా వర్షం పడే అవకాశం పెద్దగా లేకున్నా.. ఆకాశం మేఘావృతమై ఉంటుందని భువనేశ్వర్లోని ప్రాంతీయ వాతావరణ కేంద్రం (ఆర్ఎంసీ) శనివారం పేర్కొంది. "వర్షం పడే అవకాశం 50:50. ఆదివారం సాయంత్రం వర్షం పడదని కచ్చితంగా చెప్పలేం. ఉరుములతో కూడిన వర్షం పడొచ్చు. అయితే అది 3-4 గంటల ముందు మాత్రమే తెలుస్తుంది. కొన్ని చినుకులు పడినా భారీ వాన పడకపోవచ్చు. అదేమీ మ్యాచ్ను ప్రభావితం చేయదు" అని ఆర్ఎంసీ డైరెక్టర్ హెఆర్ బిశ్వాస్ తెలిపారు.
ఇక తాత్కాలిక సారథి రిషభ్ పంత్ నేతృత్వంలో తొలి టీ20లో 7 వికెట్ల తేడాతో ఓడిన టీమ్ఇండియా ప్రతీకారం తీర్చుకోవాలని ఎదురుచూస్తోంది. ఆ మ్యాచ్లో తొలుత బ్యాటింగ్‌ చేసిన భారత్ నిర్ణీత ఓవర్లలో 4 వికెట్లకు 211 పరుగులు చేసింది. ఇషాన్‌ కిషన్‌ (76; 48 బంతుల్లో 11×4, 3×6) అర్ధశతకంతో చెలరేగాడు. శ్రేయస్‌ (36; 27 బంతుల్లో 1×4, 3×6), పంత్ (29; 16 బంతుల్లో 2×4, 2×6), హార్దిక్‌ పాండ్య (31 నాటౌట్‌; 12 బంతుల్లో 2×4, 3×6) కూడా మెరిశారు. ఛేదనలో దక్షిణాఫ్రికా మూడు వికెట్లు కోల్పోయి 19.1 ఓవర్లలో లక్ష్యాన్ని చేరుకుంది. వాండర్‌ డసెన్‌ (75 నాటౌట్‌; 46 బంతుల్లో 7×4, 5×6), 'మ్యాన్‌ ఆఫ్‌ ద మ్యాచ్' మిల్లర్‌ (64 నాటౌట్‌; 31 బంతుల్లో 4×4, 5×6) నాలుగో వికెట్‌కు అజేయంగా 131 పరుగులు జోడించి జట్టును గెలిపించారు.
ఇదీ చూడండి: పంత్ కెప్టెన్సీకి సవాల్.. రెండో టీ20లో భారత్ బోణి కొడుతుందా?
