ఐసీసీ నిర్వహించిన 45 రోజుల క్రికెట్ విశ్వ సమరం ఆద్యంతం ఉత్కంఠగా సాగింది. నేటితో ముగియనున్న ఈ వేడుకకు లార్డ్స్ వేదికైంది. ఇంగ్లాండ్, వేల్స్ వేదికగా జరిగిన ఈ టోర్నీని దేశవ్యాప్తంగా ఓ పండుగలా నిర్వహించింది అక్కడి ప్రభుత్వం. ముఖ్యంగా పిల్లలను క్రికెట్ వైపు ఆకర్షించేందుకు వినూత్న కార్యక్రమాలు మొదలుపెట్టింది. 'ఆల్ స్టార్స్ క్రికెట్' పేరుతో చిన్నారులకు పోటీలు నిర్వహించి బహుమతులు ఇస్తూ ప్రోత్సహించింది. ముగ్గురు లక్కీ విన్నర్లకు గోల్డెన్ టిక్కెట్లు ఇచ్చి ప్రపంచకప్ ఫైనల్ చూసే అవకాశం కల్పించారు ప్రపంచకప్ నిర్వాహకులు.
చిట్టి చేతుల్లో ప్రపంచకప్...
మార్చి 1నుంచి మార్చి 31 వరకు ఈ కార్యక్రమంలో రిజిస్టర్ చేసుకొనేందుకు అవకాశం కల్పించారు. దాదాపు 50వేల మందికి పైగా చిన్నారులు భాగస్వాములయ్యారు. 4 నుంచి 9 ఏళ్ల లోపు ఉన్న పిల్లలే ఇందులో క్రీడాకారులు.
దేశవ్యాప్తంగా నిర్వహించిన ఈ కార్యక్రమంలో క్రికెట్కు సంబంధించిన పోటీలు, క్విజ్లు నిర్వహించి విజేతలను ప్రకటించారు. జూన్ 1న జరిగిన న్యూజిలాండ్ - శ్రీలంక, అఫ్గాన్ - ఆస్ట్రేలియా మ్యాచ్ల్లో సహా జూన్ 2న దక్షిణాఫ్రికా - బంగ్లాదేశ్ మ్యాచ్కు ముందు ప్రపంచకప్ను ఆ చిట్టి చేతులతో మోసే అవకాశం కల్పించారు. ఆట ఆరంభానికి ముందు వాళ్లే ఆ కప్ను ఎత్తుకొని తీసుకెళ్లి ప్రత్యేక ప్రాంతంలో పెట్టారు.
ముగ్గురు గోల్డెన్ అతిథులు వీరే...
ఈ కాంటెస్ట్లో ముగ్గురు విజేతలకు గోల్డెన్ టికెట్లు లభించాయి. 'సిద్ మెకాన్సోవ్నీయా' అనే ఏడేళ్ల పిల్లాడు మొదటి గోల్డెన్ టికెట్ను సొంతం చేసుకున్నాడు. 'లూయిస్' అనే ఐదేళ్ల పాప రెండో టిక్కెట్ గెల్చుకుంది. 'ఎలిజా థామస్' అనే చిన్నారి మూడో గోల్డెన్ టిక్కెట్ అందుకుంది. ఈ ముగ్గురు నేటి ఫైనల్ మ్యాచ్కు హాజరు కానున్నారు.
లు
