ఆస్ట్రేలియాతో ఓడినప్పటికీ ప్రపంచకప్ సెమీస్ ఆశలు సజీవంగానే ఉన్నాయని బంగ్లాదేశ్ కెప్టెన్ మష్రాఫే మోర్తాజా తెలిపాడు. మూడు మ్యాచ్లు మిగిలున్నాయని.. వాటిలో గెలిచి సెమీస్కు అర్హత సాధిస్తామని ఆశాభావం వ్యక్తం చేశాడు.
"మాకు ఇంకా మూడు మ్యాచ్లు మిగిలున్నాయి. అన్ని మ్యాచుల్లో గెలిచినా.. సెమీస్ అవకాశం కష్టమే. కానీ మా ప్రయత్నం ఆపబోం. ఇంకా కష్టపడి మా ప్రదర్శనను మెరుగుపర్చుకుంటాం" -మోర్తాజా బంగ్లా సారథి.
నాటింగ్హామ్ వేదికగా ఆస్ట్రేలియాతో జరిగిన మ్యాచ్లో 48 పరుగుల తేడాతో ఓడింది బంగ్లాదేశ్. ఇప్పటివరకు 6 మ్యాచ్లు ఆడిన బంగ్లా జట్టు.. రెండింటిలో గెలిచి మూడు మ్యాచుల్లో పరాజయం చెందింది. ఓ మ్యాచ్ వర్షం కారణంగా రద్దయింది.
పది దేశాలు పోటీపడుతున్న ఈ టోర్నీలో ఇప్పటివరకు జరిగిన మ్యాచ్ల ఫలితాల ప్రకారం ఆస్ట్రేలియా అగ్రస్థానంలో ఉంది. న్యూజిలాండ్, ఇంగ్లాండ్, భారత్ తర్వాతి స్థానాల్లో కొనసాగుతున్నాయి. టాప్ -4 లో నిలిచిన జట్లు సెమీస్కు అర్హత సాధిస్తాయి.
