2011లో వరల్డ్కప్ గెలుపు అనంతరం రెండేళ్లకు ఐసీసీ ఛాంపియన్స్ ట్రోఫీ విజయం సాధించింది భారత్.. అప్పటినుంచి టీమిండియాకు ఐసీసీ టైటిల్ అందని ద్రాక్షలా మిగిలింది. లీగ్ మ్యాచ్ల్లో సత్తా చాటి ఆఖరులో విఫలమౌతుంది. గత ఐదేళ్లలో 5 ఐసీసీ టైటిళ్లు చేజార్చుకుంది టీమిండియా.
2014 టీ 20 వరల్డ్కప్..
ధోని సారథ్యంలో టీమిండియా లీగ్ మ్యాచ్లన్నింటిలో విజయం సాధించింది. ఒక్క మ్యాచ్లోనూ ఓటమి లేకుండా ఫైనల్ చేరింది. తుదిపోరులో శ్రీలంకపై 6 వికెట్ల తేడాతో ఓడిపోయింది. మొదట బ్యాటింగ్ చేసిన భారత్ 130 పరుగులు మాత్రమే చేయగలిగింది. రెండు ఓవర్లు మిగిలుండగానే లక్ష్యాన్ని ఛేదించింది లంక జట్టు.
2015 ప్రపంచకప్..
2015 మెగాటోర్నీలోనూ అప్రతిహత జైత్రయాత్రను కొనసాగించింది టీమిండియా. ఆరు లీగ్ మ్యాచ్ల్లో వరుస విజయాలు సాధించింది. అయితే సెమీస్లో ఆస్ట్రేలియాపై 95 పరుగుల తేడాతో ఓడి టైటిల్ ఆశలపై నీళ్లు చల్లుకుంది.
2016 టీ 20 ప్రపంచకప్...
ఈ టోర్నీలో జరిగిన లీగ్ మ్యాచ్ల్లో న్యూజిలాండ్పై మినహ మిగతా అన్ని జట్లపై గెలిచింది టీమిండియా. పాకిస్థాన్, బంగ్లాను కూడా ఓడించింది. అయితే సెమీస్లో వెస్టిండీస్ ముందు బోల్తా పడింది. 192 పరుగుల భారీ లక్ష్యాన్ని ప్రత్యర్థి ముందుంచినా.. కట్టడి చేయడంలో విఫలమైంది భారత్.
2017 ఛాంపియన్స్ ట్రోఫీ..
ఈ టోర్నీలో టీమిండియా.. శ్రీలంకతో మినహా ఫైనల్ వరకు ఏ ఒక్క మ్యాచ్లోనూ ఓడలేదు. అయితే తుదిపోరులో పాకిస్థాన్పై ఘోరఓటమిని చవిచూసింది. 124 పరుగుల తేడాతో పరాజయం చెందింది. లీగ్ మ్యాచ్లో పాక్పై గెలిచిన భారత్ ఫైనల్లో చిత్తయింది.
2019 వరల్డ్కప్..
ఈ మెగాటోర్నీ లీగ్దశలో ఇంగ్లాండ్పై మినహా ప్రతి జట్టుపై గెలిచింది భారత్. ఫేవరేట్లుగానూ టీమిండియానే పరిగణించారు. కీలక సెమీఫైనల్ పోరులో కివీస్ చేతిలో ఓడి టోర్నీ నుంచి నిష్క్రమించింది. జడేజా (77), ధోని(50) అర్ధశతకాలతో రాణించినప్పటికీ జట్టును గెలిపించలేకపోయారు.
ఇలా గత ఐదేళ్లలో 5 ఐసీసీ టైటిళ్లను కోల్పోయింది భారత్. లీగ్ దశలో బాగా ఆడుతున్న టీమిండియా నాకౌట్ మ్యాచ్లలో చతికిలపడుతోంది. సమన్వయలోపమో, గెలుస్తామనే అతివిశ్వాసమో, ప్రత్యర్థిని తక్కువ అంచనా వేయడమో తెలియదు కానీ కీలక మ్యాచ్లలో సత్తాచాటలేకపోతోంది భారత్.
ఇది చదవండి: 'అన్ని సార్లూ వాళ్లే ఆడాలంటే ఎలా?'
