విజయ్ హజారే ట్రోఫీలో ముంబయికి చెందిన యశస్వి జైస్వాల్ రికార్డు డబుల్ సెంచరీ చేశాడు. ఫ్రొఫెషనల్‌ పరిమిత ఓవర్ల క్రికెట్‌లో అతి తక్కువ వయసులోనే ద్విశతకం సాధించిన ఆటగాడిగా చరిత్ర సృష్టించాడు. ఈ ఘనత సాధించిన వారిలో కౌశల్(ఉత్తరాఖండ్), సంజు శాంసన్(కేరళ) తర్వాత మూడో వాడిగా నిలిచాడు.
ఈ డబుల్ సెంచరీతో.. 44 ఏళ్లుగా సఫారీ జట్టు ఆటగాడి పేరిట ఉన్న మరో రికార్డును బ్రేక్ చేశాడు యశస్వి. 17 ఏళ్ల 292 రోజుల వయసులోనే ఈ ఘనత అందుకున్నాడు. 1975లో అలెన్ బారో(దక్షిణాఫ్రికా) 20 ఏళ్ల 273 రోజుల వయసులో చేసిన ద్విశతకమే ఇప్పటివరకు రికార్డు.
బుధవారం ఝార్ఖండ్తో జరగిన లిస్ట్-ఏ మ్యాచ్లో డబుల్ సెంచరీ బాదేశాడు ఈ క్రికెటర్. 154 బంతుల్లో 203 పరుగులు చేశాడీ ఆటగాడు. ఇందులో 12 సిక్సర్లు, 17 ఫోర్లు ఉన్నాయి. ప్రత్యర్థి జట్టులోని వరుణ్ అరోన్, షాబాజ్ నదీమ్ బౌలింగ్ను ధాటిగానే ఎదుర్కొన్నాడు. ఈ యువ ఆటగాడి బ్యాటింగ్తో 358 పరుగుల భారీ స్కోరు చేసింది ముంబయి. గత మ్యాచ్ల్లోనూ కేరళ, గోవా జట్లపై వరుసగా శతకాలు(113, 122) సాధించాడీ క్రికెటర్. లిస్ట్-ఏ మ్యాచ్ల్లో బరిలోకి దిగిన యశస్వి... తొమ్మిదో మ్యాచ్లోనే ఈ డబుల్ ఫీట్ అందుకున్నాడు.
సచిన్ సంతకంతో బ్యాట్...
గతేడాది అండర్-19 జట్టులో చోటు దక్కించుకున్నప్పుడు ఈ యువ ఆటగాడికి, తన సంతకం చేసిన బ్యాట్ ఇచ్చాడు దిగ్గజ క్రికెటర్ సచిన్ తెందూల్కర్. శ్రీలంకతో జరిగిన ఓ సిరీస్లోనూ మాస్టర్ తనయుడు అర్జున్ తెందూల్కర్తో కలిసి యశస్వి ఆడాడు.
సంజూకు చేరువలో..!
భారత యువ క్రికెటర్ సంజు శాంసన్... ఇటీవలే విజయ్ హజారే టోర్నీలో వేగవంతమైన ద్విశతకం బాదిన వికెట్ కీపర్గా రికార్డు సృష్టించాడు. ఈ మ్యాచ్లో 129 బంతుల్లోనే 212* పరుగులు చేసిన ఈ ఆటగాడు... 10 సిక్సర్లు, 20 ఫోర్లతో చెలరేగి అజేయంగా నిలిచాడు. ఈ టోర్నీలోనే అత్యధిక స్కోరు చేసిన క్రికెటర్గా ఘనత సాధించాడు. ఇతడి తర్వాత అత్యధిక వ్యక్తిగత స్కోరు చేశాడు యశస్వి.
