ఇంగ్లాండ్ వేదికగా వన్డే క్రికెట్ ప్రపంచకప్ ఘనంగా ఆరంభమైంది. ఓవల్ వేదికగా ఇంగ్లాండ్.. దక్షిణాఫ్రికాతో తలపడింది. టాస్ గెలిచి బౌలింగ్ ఎంచుకుంది దక్షిణాఫ్రికా. తొలి ఓవర్ వేసిన తాహిర్ ఈ మెగాటోర్నీలో అరుదైన రికార్డు నెలకొల్పాడు. ఇప్పటి వరకు జరిగిన అన్ని ప్రపంచకప్ల్లో పేసర్ బౌలింగ్ను ప్రారంభించేవారు. అందుకు భిన్నంగా ఒక స్పిన్నర్ బౌలింగ్ చేయడం ఇదే తొలిసారి.
కెప్టెన్‌ నమ్మకాన్ని నిలబెట్టిన తాహిర్ తొలి ఓవర్ రెండో బంతికే ఇంగ్లాండ్ ఓపెనర్‌ బెయిర్‌స్టో(0)ని గోల్డెన్‌ డకౌట్‌ చేశాడు. ఇటీవల జరిగిన ఐపీఎల్‌లో చెన్నై సూపర్‌ కింగ్స్‌ తరఫున తాహిర్ అత్యధిక వికెట్లు తీసి పర్పుల్‌ క్యాప్‌ అందుకున్నాడు.
ఏ ప్రపంచకప్‌లో ఎవరు ఆరంభించారంటే?
| వ.సంఖ్య | ప్రపంచకప్ సంఖ్య | బౌలర్ |
| 1 | 1975 | భారత్- మదన్‌లాల్‌ |
| 2 | 1979 | వెస్టిండీస్‌- ఆండీ రాబర్ట్స్‌ |
| 3 | 1983 | న్యూజిలాండ్- రిచర్డ్‌ హాడ్లీ |
| 4 | 1987 | శ్రీలంక- వినోథెన్‌ జాన్‌ |
| 5 | 1992 | ఆస్ట్రేలియా- క్రేయి మెక్‌ డెర్‌మాట్‌ |
| 6 | 1996 | ఇంగ్లాండ్- డోమినిక్‌ కార్క్‌ |
| 7 | 1999 | ఇంగ్లాండ్-డారెన్‌ గాఫ్‌ |
| 8 | 2003 | దక్షిణాఫ్రికా- షాన్‌ పొలాక్‌ |
| 9 | 2007 | పాకిస్థాన్‌-ఉమర్‌గుల్‌ |
| 10 | 2011 | బంగ్లాదేశ్‌ -షఫిల్‌ ఇస్లాం |
| 11 | 2015 | శ్రీలంక- నువాన్‌ కులశేఖర |
| 12 | 2019 | దక్షిణాఫ్రికా- ఇమ్రాన్ తాహిర్ |
ఇది చదవండి: ఎలిజబెత్ రాణితో క్రికెట్ ప్రపంచకప్ జట్ల సారథులు
