ఐపీఎల్లో తమకు అండగా నిలిచిన కోల్కతా ప్రజల కోసమైనా ఈసారి లీగ్లో విజేతగా అవతరిస్తామని అభిప్రాయపడ్డాడు కోల్కతా నైట్రైడర్స్ కెప్టెన్ దినేశ్ కార్తీక్. రెండుసార్లు ఐపీఎల్ ఛాంపియన్గా నిలిచినందుకు కేకేఆర్ అభిమానులు గర్వపడుతున్నారని తెలిపాడు. ఆ జట్టు అభిమానులతో ఆటగాళ్లు మానసికంగా ఎంతో దగ్గరయ్యారని వెల్లడించాడు.
"మేము కోల్కతా అభిమానులతో మానసికంగా ఎంతో దగ్గరయ్యాం. ఆ రాష్ట్ర ప్రజలు మమ్మల్ని చూసి గర్వపడుతున్నారు. రెండు నెలలుగా కోల్కతా విపత్తులను ఎదుర్కొంటోంది. ఈ సమయంలో వారి కోసం కనీసం ఐపీఎల్ కప్ను అయినా గెలుస్తాం. అయితే లీగ్ ఎప్పుడు జరుగుతుందనే దానిపై మాకూ ఇంకా స్పష్టత రాలేదు".
-దినేశ్ కార్తీక్, కోల్కతా నైట్రైడర్స్ కెప్టెన్
దేశవ్యాప్తంగా కరోనా సంక్షోభం ఎదుర్కొంటున్న సమయంలో అంపన్ తుపానుతో పశ్చిమ బంగా అతలాకుతలమైంది. ఈ విపత్తు వల్ల ఎంతోమంది ప్రజలు తమ జీవితాలను, నివాసాన్ని కోల్పోయారు.
కరోనా లాక్డౌన్ కారణంగా నిరవధికంగా వాయిదా పడ్డ ఐపీఎల్ను.. ఈ ఏడాదిలో కచ్చితంగా నిర్వహిస్తామని తెలిపారు బీసీసీఐ అధ్యక్షుడు సౌరభ్ గంగూలీ. ఈ క్రమంలో మ్యాచ్లు జరిపేందుకు రాష్ట్ర క్రికెట్ బోర్డులు సిద్ధంగా ఉండాలని కోరారు. త్వరలోనే టోర్నీపై నిర్ణయం తీసుకుంటామని అన్నారు.
ఇదీ చూడండి... 'ఆలస్యం చేస్తే ఎవ్వరికీ ఉపయోగం ఉండదు'
