టీమిండియా తరఫున టీ20 అరంగేట్రంలోనే సత్తాచాటిన యువ బౌలర్ నవదీప్ సైనీ.. టెస్టు జట్టులోకి వచ్చేందుకు మరింతగా శ్రమిస్తున్నానని అన్నాడు. సుదీర్ఘ ఫార్మాట్లో త్వరలోనే అడుగుపెడతానని ఆశాభావం వ్యక్తం చేశాడు.
"సుదీర్ఘ ఫార్మాట్లో మన బౌలింగ్ విభాగం బలంగా ఉంది. వెస్టిండీస్ పర్యటనలో ఉన్నప్పుడు నాకొక విషయం అర్థమైంది. టెస్టు జట్టులోకి రావాలంటే మరింత కష్టపడాలని నిర్ణయించుకున్నా".
-నవదీప్ సైనీ, టీమిండియా యువ క్రికెటర్
దక్షిణాఫ్రికాతో అక్టోబర్ 2 నుంచి ప్రారంభంకానున్న టెస్టు సిరీస్ కోసం గురువారం జట్టును ప్రకటించింది బీసీసీఐ సెలక్షన్ కమిటీ. బౌలింగ్ విభాగంలో ఉమేశ్ యాదవ్కు ఉద్వాసన పలికింది. బుమ్రా, ఇషాంత్ శర్మ, మహ్మద్ షమి, రవీంద్ర జడేజా, అశ్విన్, కుల్దీప్ను తీసుకుంది.
వెస్టిండీస్ పర్యటనలో టెస్టు జట్టుతో పాటే సైనీని కొనసాగించింది టీమిండియా. నెట్ బౌలర్గా అతడి సేవలను ఉపయోగించుకుంది.
ఇవీ చూడండి..
