కరోనా కారణంగా వాయిదాపడ్డ ఐపీఎల్ను సెప్టెంబర్లో నిర్వహించేందుకు సిద్ధమైంది బీసీసీఐ. దేశంలో కరోనా విజృంభిస్తోన్న సమయంలో దుబాయ్లో నిర్వహించేందుకు ప్రణాళికలు రూపొందించింది. అయితే మహిళల ఐపీఎల్ లేదా ఛాలెంజర్స్ ట్రోఫీపై అనుమానాలు వ్యక్తమవుతున్నాయి. ఈ ఏడాది ఉమెల్ ఐపీఎల్ ఉండకపోవచ్చని వార్తలు వస్తున్నాయి. తాజాగా వీటిపై స్పందించాడు బీసీసీఐ అధ్యక్షుడు సౌరభ్ గంగూలీ. కచ్చితంగా ఛాలెంజర్ ట్రోఫీని నిర్వహిస్తామని స్పష్టం చేశాడు.
"ఈ ఏడాది ఉమెన్ ఐపీఎల్ జరుగుతుందని కచ్చితంగా చెబుతున్నా. ఐపీఎల్ చివర్లో ఈ టోర్నీని నిర్వహిస్తాం. పురుషులు, మహిళా క్రికెటర్లు ఎవరి ఆరోగ్యాన్ని ప్రమాదంలో పెట్టదల్చుకోలేదు. కరోనా వల్ల నేషనల్ క్రికెట్ అకాడమీ మూతపడ్డా.. వేరే ప్రత్యామ్నాయాల్ని ఆలోచించి ఆటగాళ్ల ప్రాక్టీస్కు ఏర్పాట్లు చేస్దాం."
-గంగూలీ, బీసీసీఐ అధ్యక్షుడు
అయితే మహిళల ఛాలెంజర్ ట్రోఫీ నవంబర్ 1-10 వరకు జరగే అవకాశం ఉందని బీసీసీఐ వర్గాలు తెలిపాయి. దానికంటే ముందు ఆటగాళ్లకు జాతీయ శిక్షణా శిబిరం నిర్వహిస్తామని వెల్లడించాయి.
