ఫామ్ లేక ఇబ్బందులు పడుతున్న పాకిస్థాన్ కెప్టెన్ అజహర్ అలీకి మద్దతుగా నిలిచాడు ఆ జట్టు ఫాస్ట్ బౌలింగ్ కోచ్ వకార్ యూనిస్. తొలి టెస్టు పోరాడి ఓడినప్పటికీ.. మిగిలిన రెండు టెస్టుల్లో జట్టు సత్తా చాటుతుందని పేర్కొన్నాడు. అజహర్ తన మునుపటి ప్రదర్శన చేస్తాడని ఆశాభావం వ్యక్తం చేశాడు వకార్.
"కెప్టెన్గా ఉండి జట్టు టాప్ ఆర్డర్లో ఆడటం అంత సులభమేం కాదు. గతంలోనూ అజహర్ కెప్టెన్గా ఉన్నాడు. అతడికి ఇలాంటి పరిస్థితుల నుంచి ఎలా బయటపడాలో తెలుసు. మంచి ఫామ్లో లేనప్పుడు అన్నీ సమస్యలుగానే కనిపిస్తాయి. నీ మీద చాలా భారం ఉన్నప్పటికీ వాటన్నింటిని దాటి నువ్వు బ్యాటింగ్పై దృష్టి పెట్టాలి. తొలి టెస్టు గెలిచి ఉంటే అతడికి, జట్టుకు మరింత పట్టుదల, ఉత్సాహం వచ్చేది. 80 టెస్టులు ఆడిన అజహర్ గతంలో ఇంగ్లాండ్పై మంచి ప్రదర్శనలు చేశాడు. కచ్చితంగా చివరి రెండు టెస్టుల్లో తన సమస్యలను అధిగమించి అత్యుత్తమంగా రాణిస్తాడని ఆశిస్తున్నాను"
-- వకార్ యూనిస్, పాక్ ఫాస్ట్ బౌలింగ్ కోచ్
మూడు టెస్టుల సిరీస్లో భాగంగా తొలి టెస్టును మూడు వికెట్ల తేడాతో నెగ్గింది ఇంగ్లాండ్. మొదటి టెస్టు రెండు ఇన్నింగ్స్ల్లో అలీ.. 0, 18 రన్స్ మాత్రమే చేశాడు. రెండో టెస్టు సౌథాంప్టన్ వేదికగా నేటి(ఆగస్టు 13) నుంచి ప్రారంభమైంది.
