భారత దిగ్గజ బ్యాట్స్మన్ సచిన్ తెందూల్కర్పై టీమ్ఇండియా కెప్టెన్ విరాట్ కోహ్లీ ప్రశంసల జల్లు కురిపించాడు. 1998లో షార్జా వేదికగా జరిగిన కోకాకోలా కప్ సిరీస్లో భారత్ విజయంలో కీలకపాత్ర పోషించాడని కొనియాడాడు. ఆదివారం భారత ఫుట్బాల్ ప్లేయర్ సునీల్ ఛెత్రీతో జరిగిన ఇన్స్టాగ్రామ్ లైవ్ సెషన్లో ఈ విషయాన్ని పేర్కొన్నాడు. వీరిద్దరూ కలిసి మైదానం లోపల, వెలుపల విషయాలను చర్చించుకున్నారు. షార్జా వేదికగా 1998లో ఆస్ట్రేలియాపై జరిగిన మ్యాచ్ను ఈ సందర్భంగా గుర్తుచేసుకున్నాడు కోహ్లీ.
ఛెత్రీ: అంతర్జాతీయ క్రికెట్‌లో మీరు ఆడాలని కోరుకునే మ్యాచ్ ఏది?
కోహ్లీ: 1998 సాండ్ స్ట్రోమ్ మ్యాచ్.
ఛెత్రీ: సెమీ-ఫైనల్ మ్యాచ్.. ఫైనల్ మ్యాచ్ల్లో ఏది?
కోహ్లీ: ఫైనల్కు అర్హత సాధించిన మ్యాచ్.
22 ఏళ్ల క్రితం షార్జా వేదికగా కోకాకోలా కప్ సెమీఫైనల్లో 131 బంతుల్లో 143 పరుగులు సాధించి తుపాన్ ఇన్నింగ్స్ ఆడాడు సచిన్. ఆ మ్యాచ్లో ప్రత్యర్థి గెలిచినా.. తుది పోరులో అదే ఆటతీరుతో ఆసీస్ ఓటమికి కారణమయ్యాడు. ఆ మ్యాచ్లో సచిన్ ఆడిన ల్యాప్ షాట్ తనను చాలా ఆకట్టుకుందని.. దాన్ని కచ్చితంగా అనుకరిస్తానని కోహ్లీ అన్నాడు.
ఇదీ చూడండి.. 'క్రికెటర్ల శిక్షణా శిబిరాలపై త్వరలోనే నిర్ణయం'
