కోహ్లీ గురించి వ్యాఖ్య.. అనుష్క శర్మ కన్నీళ్లు

దిల్లీలోని ప్రఖ్యాత ఫిరోజ్​ షా కోట్లా మైదానంలో విరాట్​ కోహ్లీ పేరుతో ఓ స్టాండ్​ ఏర్పాటు చేశారు. గురువారం జరిగిన ఈ కార్యక్రమంలో పాల్గొన్న అనుష్క శర్మ... సహచరులు కోహ్లీ గురించి చెబుతుండగా భావోద్వేగానికి గురైంది.

టీమిండియా సారథి విరాట్​ కోహ్లీ మరోసారి తన పాత జ్ఞాపకాలు నెమరువేసుకున్నాడు. గురువారం ఫిరోజ్​ షా కోట్లా మైదానంలో అతడి పేరుతో ఏర్పాటు చేసిన పెవిలియన్​ ఆరంభోత్సవానికి... సతీమణి అనుష్కశర్మతో కలిసి హాజరయ్యాడు. ఈ కార్యక్రమానికి ఇతర భారత క్రికెటర్లు, సహాయక బృందం, రాజకీయ ప్రముఖులు హాజరయ్యారు. వేదికపై మాట్లాడిన కోహ్లీ.. పలు ఆసక్తికర అంశాలు పంచుకున్నాడు.

కార్యక్రమంలో విరుష్క జోడీ,అమిత్​షా, టీమిండియా సహచరులు

"ఇంత పెద్ద స్థాయిలో నేను గౌరవం పొందుతానని అనుకోలేదు. ఇలాంటి సమయంలో ఏ విధంగా మాట్లాడాలో అర్థం కావట్లేదు. అది 2001.. జింబాబ్వే-భారత్​ మ్యాచ్​. ఆ ఆట చూడమని నా చిన్ననాటి కోచ్​ రాజ్​కుమార్​ శర్మ నాకు రెండు టికెట్లు ఇచ్చారు. మ్యాచ్​ ముగిశాక టీమిండియా క్రికెటర్​ జవగల్​ శ్రీనాథ్​ ఆటోగ్రాఫ్​ కోసం నేను, నా సోదరుడు పెవిలియన్​ కిటికీ గ్రిల్స్​లోంచి చాలా ప్రయత్నించాం. ఆ విషయం ఇప్పటికీ గుర్తుంది. కాని ఈ రోజు అదే ప్రఖ్యాత స్టేడియంలోని ఓ పెవిలియన్​కు నా పేరు పెట్టడం నిజంగా నమ్మలేకపోతున్నా. ఇది నాకు దక్కిన గొప్ప గౌరవం". -విరాట్​ కోహ్లీ, టీమిండియా సారథి

కోహ్లీ పెవిలియన్​

వేడుకలో దివంగత కేంద్ర మాజీ మంత్రి అరుణ్​ జైట్లీ గురించి తలచుకున్నాడు కోహ్లీ. ఆయనతో ఉన్న అనుబంధం గురించి చెప్పాడు.

" జైట్లీ గురించి ప్రపంచానికి వేరేలా తెలుసు కాని నాకు మాత్రం ఆయనొక గొప్ప మనవతావాది. నా తండ్రి చనిపోయినప్పుడు, బాధలో ఉంటే ఓదార్చి ధైర్యం చెప్పారు". --విరాట్​ కోహ్లీ, భారత జట్టు కెప్టెన్​

తండ్రి చనిపోయి బాధలో ఉన్నప్పుడూ, కోహ్లీ క్రికెట్​ను వీడలేదని గుర్తుచేసుకున్నారు దిల్లీ క్రికెట్​ సంఘం అధ్యక్షుడు రజత్​ శర్మ. విరాట్​ గొప్ప ఆటగాడు అవుతాడని జైట్లీ చెప్పేవారని.. ఆ మాటలు ఇప్పుడు నిజమయ్యాయని చెప్పారు. ఆ సమయంలో కోహ్లీ భార్య అనుష్కశర్మ కన్నీటిపర్యంతమైంది. తర్వాత కోహ్లీ చేతిని తీసుకొని ముద్దాడింది. ప్రస్తుతం ఈ వీడియో నెట్టింట వైరల్​గా మారింది.

• Virat being nervous and Anushka being such a supportive and adorable wife ❤
  that's what is called a perfect life partner 😌❤
  this gif is extremely special#Virushka pic.twitter.com/sEXyurSCUQ

  — Sim💕 (@ViratianSam14) September 12, 2019 " class="align-text-top noRightClick twitterSection" data="

  Virat being nervous and Anushka being such a supportive and adorable wife ❤
  that's what is called a perfect life partner 😌❤
  this gif is extremely special#Virushka pic.twitter.com/sEXyurSCUQ

  — Sim💕 (@ViratianSam14) September 12, 2019

  ">

  Virat being nervous and Anushka being such a supportive and adorable wife ❤
  that's what is called a perfect life partner 😌❤
  this gif is extremely special#Virushka pic.twitter.com/sEXyurSCUQ

  — Sim💕 (@ViratianSam14) September 12, 2019

పేరు మారింది...

ఫిరోజ్​షా కోట్లా స్టేడియాన్ని 'అరుణ్​ జైట్లీ' స్టేడియంగా మార్చింది దిల్లీ క్రికెట్​ సంఘం. వార్షిక అవార్డుల కార్యక్రమంలో భాగంగా ఏర్పాటు చేసిన వేడుకలో ఈ నిర్ణయాన్ని ప్రకటించారు. అరుణ్​ జైట్లీ క్రికెట్​ స్టేడియంగా నామకరణం చేసిన శిలాఫలకాన్ని, జైట్లీ కుటుంబసభ్యులతో కలిసి ఆరంభించారు ప్రస్తుత కేంద్ర హోంశాఖ మంత్రి అమిత్​షా.

కోహ్లీపై తయారు చేసిన ఓ యానిమేటెడ్​ వీడియోను కార్యక్రమంలో ప్రదర్శించారు. అందులో అండర్​-19 నుంచి అంతర్జాతీయ స్థాయికి ఎలా ఎదిగాడో చూపించారు.

ఈ వేడుకకు క్రీడా శాఖ మంత్రి కిరణ్​ రిజిజు, మాజీ క్రీడాశాఖ మంత్రి రాజ్యవర్థన్​ సింగ్​ రాఠోడ్​, దిల్లీ బీజేపీ చీఫ్​ మనోజ్​ తివారి, మాజీ టీమిండియా సారథి కపిల్​దేవ్​ వంటి ప్రముఖులు హాజరయ్యారు.

ఇదీ చదవండి...

• నెటిజన్ల మనసు దోచిన విరుష్క స్టిల్​
• 100 ఏళ్ల బామ్మ.. గోల్ఫ్​ పోటీలో ఉత్సాహంగా..!