శతకం కోసం విరాట్ కోహ్లీ తీవ్రంగా ఆరాటపడ్డాడని భారత పేసర్ భువనేశ్వర్ కుమార్ అభిప్రాయపడ్డాడు. 11 ఇన్నింగ్స్ తర్వాత విరాట్ చేసిన ఈ సెంచరీ అతడికి ఎంతో ప్రత్యేకమైనదని తెలిపాడు.
"శతకం కోసం ఎంత తీవ్రంగా ఆరాటపడ్డాడో నిన్నటి మ్యాచ్లో విరాట్ను గమనిస్తే మీకే అర్థమవుతుంది. 70, 80 పరుగుల వద్ద చాలాసార్లు ఔటయ్యాడు. భారీ స్కోరు చేసేందుకే అతడు ఎప్పుడూ చూస్తాడు" - భువనేశ్వర్ కుమార్, భారత బౌలర్
ఆ పిచ్పై వికెట్ తీయడం అంత సులభం కాదని తెలిపాడు భువనేశ్వర్ కుమార్.
"పొదుపుగా బౌలింగ్ చేద్దామని అనుకున్నా. ఎక్కువ డాట్ బాల్స్ వేసి ప్రత్యర్థి బ్యాట్స్మెన్ను ఇబ్బందిపెట్టాలనుకున్నా. అందులో భాగంగానే వికెట్లు కూడా పడ్డాయి. మ్యాచ్ ఫలితం గురించి అంతగా ఆలోచించలేదు. ఒకటి రెండు వికెట్లు తీస్తే ఫలితం మాకే అనుకూలిస్తుందని ముందే తెలుసు" -భువనేశ్వర్ కుమార్, భారత బౌలర్.
ట్రినిడాడ్ వేదికగా విండీస్తో ఆదివారం జరిగిన రెండో వన్డేలో టీమిండియా 59 పరుగుల తేడాతో విజయం సాధించింది. విరాట్ కోహ్లీ 120 పరుగులు చేసి కెరీర్లో 42వ శతకాన్ని తన ఖాతాలో వేసుకున్నాడు. భువనేశ్వర్ కుమార్ 8 ఓవర్లు వేసి కేవలం 31 పరుగులిచ్చి 4 వికెట్లు తన ఖాతాలో వేసుకున్నాడు. వీరిద్దరి విజృభణతో విండీస్తో వన్డే సిరీస్లో భారత్ బోణీ కొట్టింది.
ఇదీ చదవండి: అండర్-19 త్రైపాక్షిక సిరీస్లో భారత్ విజయం
