మాస్టర్ బ్లాస్టర్ సచిన్ తెందూల్కర్ వీరాభిమాని సుధీర్ కుమార్ చౌదరి మోసపోయాడు. తన పేరుతో ఫ్యాన్ పేజీ నడుపుతామని చెప్పి, ప్రభు దామోదర్(చెన్నై సూపర్ కింగ్స్ ఫ్యాన్ పేజ్ అడ్మిన్) అనే వ్యక్తి తనను ఏమార్చాడని అన్నాడు. అనంతరం ఈ విషయంపై వారిని సంప్రదిస్తుంటే, స్పందించట్లేదని చెప్పాడు.
"సామాజిక మాధ్యమాల్లో నా ఆధ్వర్యంలో ఉన్న సచిన్ ఫ్యాన్ పేజీలు నడుపుతానని ప్రభు దామోదర్ అనే వ్యక్తి చెప్పాడు. ఆ తర్వాత నా నుంచి మిగతా వివరాలు తెలుసుకున్నాడు. తర్వాత ఆ ఖాతాలు హ్యాక్ అయ్యాయి. అందులో సచిన్ బదులుగా అమ్మాయిల ఫొటోలు దర్శనమిచ్చాయి. అనంతరం ఆ ఖాతాలన్నీ డిలీట్ అయిపోయాయి. అయితే వాటిని దుర్వినియోగం చేసిన వారిపై పోలీసులకు ఫిర్యాదు చేస్తాను. సచిన్ ఫ్యాన్ పేజీలు తిరిగి పునరుద్ధరించాలి." -సుధీర్ కుమార్ చౌదరి, సచిన్ తెందూల్కర్ వీరాభిమాని
తను నడుపుతున్న అధికారిక ఖాతాలన్నీ ప్రస్తుతం డిలీట్ అయ్యాయని చెప్పాడు సుధీర్. వాటిని తిరిగి ఇప్పించాలని చెబుతూ, వారిపై పోలీసులకు ఫిర్యాదు చేసేందుకు సిద్ధమవుతున్నాడు.
ఇది చదవండి: మాస్టర్ మాట: 'బాల భారతమే భాగ్య భారతం'
