ప్రపంచకప్​లో అత్యధిక స్ట్రైక్​రేట్​ సాధించిన షెఫాలీ

టీ20 ప్రపంచకప్​లో టీమిండియా స్టార్​ ఓపెనర్​ షెఫాలీ వర్మ.. తన అద్భుతమైన బ్యాటింగ్​ ప్రదర్శనతో అందర్నీ ఆకట్టుకుంటోంది. ఈ మెగాటోర్నీలో వరుసగా రెండోసారి 'ప్లేయర్​ ఆఫ్​ ది మ్యాచ్'​ అవార్డును దక్కించుకుంది. అంతేకాకుండా అత్యుత్తమ స్ట్రైక్​రేట్​ ఉన్న ప్లేయర్​గానూ ఘనత సాధించింది.

టీమిండియా యువ సంచలనం షెఫాలీ వర్మ.. మహిళల​ టీ20 ప్రపంచకప్‌లో మొదటి మ్యాచ్​ నుంచే విధ్వంసకర ప్రదర్శన చేస్తోంది. ఈ మెగాటోర్నీలో భారత్​ సెమీస్​ చేరడంలో కీలకపాత్ర పోషించింది. గురువారం న్యూజిలాండ్‌తో జరిగిన మ్యాచ్​లో భారత్​ 4 పరుగుల తేడాతో విజయం సాధించి.. హ్యాట్రిక్​ విజయాన్ని అందుకుంది.

మెల్​బోర్న్​ వేదికగా కివీస్​తో జరిగిన మ్యాచ్​లో.. టీమిండియా 8 వికెట్ల నష్టానికి 133 పరుగులు సాధించింది. షెఫాలీ వర్మ 34 బంతుల్లో 46 పరుగులు(4 ఫోర్లు, 3 సిక్సర్లు) చేసి జట్టు బ్యాటింగ్​లో రాణించింది. తన మెరుపు సిక్సర్లతో.. అన్నా పీటర్సన్​ పేరిట ఉన్న అత్యధిక సిక్సర్ల రికార్డునూ బ్రేక్​ చేసింది. సహా బ్యాట్స్​మన్​ విఫలమవుతున్నా.. బెరుకు లేకుండా 14వ ఓవర్ల వరకు పోరాడిందీ 16 ఏళ్ల యువతి.

"పవర్‌ప్లేలోనే పరుగులు సాధించటం చాలా సంతోషాన్నిచ్చింది. బౌలర్​ ఎప్పుడు తప్పిదం చేస్తారా అని ఎదురు చూశాను. వాళ్లు వేసిన స్లో బంతుల్ని ఎదుర్కోవటంలో విజయం సాధించాను. వీటన్నిటికి కారణం నేను అబ్బాయిలతో కలిసి క్రికెట్​ ప్రాక్టీస్​ చేయటమే. శిక్షణలో సహకరించినందరికి నా కృతజ్ఞతలు."

- షెఫాలీ వర్మ, టీమిండియా క్రికెటర్

• No player has ever scored more runs at a higher strike rate at a single Women's #T20WorldCup than Shafali Verma in 2020 (114 runs at 172.72)
  
  Superstar 🤩#INDvNZ pic.twitter.com/l9SWDWUP5c

  — T20 World Cup (@T20WorldCup) February 27, 2020 " class="align-text-top noRightClick twitterSection" data="

  No player has ever scored more runs at a higher strike rate at a single Women's #T20WorldCup than Shafali Verma in 2020 (114 runs at 172.72)
  
  Superstar 🤩#INDvNZ pic.twitter.com/l9SWDWUP5c

  — T20 World Cup (@T20WorldCup) February 27, 2020

  ">

  No player has ever scored more runs at a higher strike rate at a single Women's #T20WorldCup than Shafali Verma in 2020 (114 runs at 172.72)
  
  Superstar 🤩#INDvNZ pic.twitter.com/l9SWDWUP5c

  — T20 World Cup (@T20WorldCup) February 27, 2020

  
  

అత్యధిక రన్​రేట్​

ఈ టోర్నీలో వరుసగా రెండోసారి 'ప్లేయర్​ ఆఫ్​ ది మ్యాచ్'​ అవార్డుకు ఎంపికైంది షెఫాలీ. తనపై నమ్మకంతో ప్రోత్సహించిన తండ్రికి కృతజ్ఞతలు తెలిపింది. ఇప్పటివరకు జరిగిన మూడు మ్యాచ్​ల్లో 114 పరుగులు చేసింది. ఈ యువ క్రీడాకారిణి 172.72 స్ట్రైక్​రేట్​తో పరుగులు చేయడం విశేషం. ఫలితంగా టీ20ల్లో అత్యధిక స్ట్రైక్​రేట్​ సాధించిన మొదటి మహిళగా ఘనత సాధించింది.

పొట్టి ఫార్మాట్​లో ఇప్పటి వరకు ఆమె 147.97 స్ట్రైక్‌రేట్‌తో 438 పరుగులు చేసింది. క్లోయి ట్రయాన్‌ 138.31 (722 పరుగులు), అలిసా హేలీ 129.66 (1,875) స్ట్రైక్‌రేట్‌తో తర్వాతి స్థానాల్లో ఉన్నారు. కనీసం 200 పరుగులను ఈ గణాంకాలకు ఆధారంగా చేసుకున్నారు.

మూడో మ్యాచ్​లోనూ మిడిల్ ఆర్డర్​ బ్యాట్స్​వుమన్​ నుంచి మరోసారి నిరాశ ఎదురైంది. వారి వైఫల్యం కారణంగా భారత్​ 20 ఓవర్లకు కేవలం 133 పరుగులతోనే సరిపెట్టుకుంది. కానీ, ప్రత్యర్థి లక్ష్యాన్ని చేరుకోకుండా స్పిన్నర్లు బాగా ఉపయోగపడ్డారు. గ్రూప్-​ఎ మ్యాచ్​ల్లో భాగంగా ఫిబ్రవరి 29న భారత్​ - శ్రీలంక మధ్య పోరు జరగనుంది.

ఇదీ చూడండి.. కివీస్​పై గెలుపుతో ప్రపంచకప్​ సెమీస్​కు భారత్​