ఆస్ట్రేలియా పర్యటనలో గులాబి బంతితో టీమ్ఇండియా ఆడుతున్నందున జాగ్రత్తలు తీసుకోవాలని భారత మాజీ క్రికెటర్ వెంకటపతి రాజు అన్నారు. పింక్ బాల్ ఎక్కువ స్వింగ్ అవుతుందని చెప్పారు. కరోనా కారణంగా ఆటగాళ్లు ప్రాక్టీస్కు దూరమయ్యారని.. అయినా ప్రస్తుత టీమ్ ఫిట్గానే ఉందన్నారు. విజయవాడలో క్రికెట్ అకాడమీ ప్రారంభోత్సవానికి హాజరైన ఆయన.. 'ఈటీవీ భారత్'తో మాట్లాడారు.
ఐపీఎల్, టెస్ట్, వన్డే, టీ-20ల ఫార్మాట్లకు తగ్గట్లుగా ఆటగాళ్లను ఎంపిక చేస్తుండాలని వెంకటపతిరాజు సూచించారు. ఒకప్పుడు బౌలర్ స్పాన్ ఎక్కువగా ఉండేదని.. ఇప్పుడు ఫార్మాట్లు పెరగడం వల్ల తగ్గుతోందని తెలిపారు.
భారత కాలమానం ప్రకారం గురువారం ఉదయం 9.30 గంటలకు ఈ తొలి డే/నైట్ మ్యాచ్ ప్రారంభం కానుంది. పింక్ బాల్ టెస్టుల్లో ఇంతవరకూ ఓటమే ఎరుగని ఆస్ట్రేలియాతో భారత్ అమీతుమీ తేల్చుకోనుంది.
ఇదీ చూడండి: భారత్Xఆస్ట్రేలియా: పింక్బాల్ టెస్టులో పైచేయి ఎవరిది?
