టీమ్ఇండియాతో వన్డే సిరీస్లో వరుస శతకాల చేస్తూ జోరు మీదున్న స్మిత్.. అందర్నీ ఆశ్చర్యపరుస్తున్నాడు. ఇటీవల ఐపీఎల్లో బ్యాటింగ్ చేయలేక కష్టపడింది ఇతడేనా అని సందేహపడేలా చేస్తున్నాడు. రెండో వన్డేలో శతకంతో(104) అదరగొట్టిన స్మిత్.. ఆరోజు ఉదయం తనకు జరిగిన ఆసక్తికర సంఘటన గురించి చెప్పాడు. అసలు ఆడతానో లేదో అనుకున్న మ్యాచ్లో బాగా బ్యాటింగ్ చేయడం ఆనందాన్ని ఇచ్చిందని తెలిపాడు.
"ఆరోజు(ఆదివారం) ఉదయం నాకా బాగా తల తిరిగినట్లు అనిపించింది. మైదానంలోకి వచ్చి కొంచెం దూరం పరుగెత్తే వరకూ చాలా ఇబ్బందిగానే అనిపించింది. ఎక్సర్సైజ్ చేసి, చెవిలోని గులిమి తీసిన తర్వాత హాయిగా అనిపించింది. అసలు ఆడతానో లేదే అనుకున్నా మ్యాచ్లో పాల్గొని జట్టు విజయంలో భాగమైనందుకు ఆనందంగా ఉంది" -స్టీవ్ స్మిత్, ఆసీస్ బ్యాట్స్మన్
ఆదివారం జరిగిన ఈ మ్యాచ్లో ఆసీస్, నిర్ణీతో 50 ఓవర్లలో 389 పరుగుల భారీ స్కోరు చేసింది. ఛేదనలో చాలా ప్రయత్నించిన టీమ్ఇండియా, ఓవర్లన్నీ ఆడి 338 పరుగులే చేయగలిగింది. దీంతో మూడు వన్డేల సిరీస్ను 2-0 తేడాతో ఆసీస్ సొంతం చేసుకుంది.
ఇవీ చదవండి:
