ఆస్ట్రేలియా స్టార్ బ్యాట్స్మన్ స్టీవ్ స్మిత్పై వస్తున్న విమర్శలను ఆ జట్టు ప్రధానకోచ్ జస్టిన్ లాంగర్ తిప్పికొట్టాడు. స్మిత్పై వస్తోన్న ఆరోపణలు అర్థరహితమని అభిప్రాయపడ్డాడు.
"స్మిత్ గురించి వస్తున్న వార్తలు ముమ్మాటికీ హాస్యాస్పదం. సిడ్నీ పిచ్పై బ్యాటింగ్ గార్డ్ మార్క్ చెరపడం సులువుకాదు. పంత్ మార్కింక్ తొలగించడానికి స్మిత్కు కనీసం 15అంగుళాల స్పైక్స్ కావాలి. పిచ్పై బ్యాటింగ్ చేస్తున్నట్టు ఊహించుకోవడం అతడికి అలవాటు. దానికి మేము చాలాసార్లు నవ్వుకున్నాం. ఈ విషయంలో అతడు 100శాతం నిరపరాధి. ఇలాంటి చెత్త వ్యాఖ్యలు నా జీవితంలో ఎన్నడూ వినలేదు. ఇక ఆపండి."
- జస్టిన్ లాంగర్, ఆస్ట్రేలియా జట్టు ప్రధాన కోచ్
సిడ్నీ టెస్టు చివరిరోజున తొలి సెషన్లో స్మిత్.. పంత్ బ్యాటింగ్ గార్డ్ మార్క్ను చెరిపివేశాడని ఆరోపణలు వచ్చాయి. దానికి సంబంధించిన వీడియో స్టంప్స్ కెమెరాలో రికార్డు అయ్యింది. అది కాస్త నెట్టింట వైరల్గా మారగా.. స్మిత్పై నెటిజన్లు, క్రికెట్ మాజీలు వీరేంద్ర సెహ్వాగ్, మైఖేల్ వాన్ సహ పలువురు నిప్పులు చెరిగారు. అయితే మైఖేల్ వాన్ వ్యాఖ్యలను కోచ్ లాంగర్ తప్పుబట్టాడు.
"నేను డారెన్ గౌ (ఇంగ్లాండ్ మాజీ క్రికెటర్), మైఖేల్ వాన్లతో మాట్లాడాను. వాన్ తన పరిధి దాటినట్లు అనిపిస్తుంది. బయటి వ్యక్తుల విషయం వేరు. కానీ వాన్ అలా స్పందిస్తాడని ఊహించలేదు. ఇలాంటి వ్యాఖ్యలు చేస్తూ అతడు కడుపు నింపుకుంటున్నాడు." అని లాంగర్ అన్నాడు.
ఇదీ చూడండి: సిడ్నీ టెస్టు: అయ్యా స్మిత్.. ఇదేం పని?
